Êsêkiêl 45:9 - Nau Brah Ndu Ngơi 2023

⁹ Kôranh Brah Yêhôva lah: ‘Hơi phung hađăch Israel, găp jêh khân may ƀư pônây! Chalơi hom nau ƀư djơh jêh ri tŭn jot, ƀư hom nau sŏng, nau di. Rlu hom nau pit in drăp ndơ ƀon lan Gâp, Kôranh Brah Yêhôva Brah lah pônây.’”

Êsêkiêl 45:9 ပူးပေါင်းရင်းမြစ်များ

Ndrom Samƀŭt bơh Yôp 20:19

Yorlah păng hŏ tŭn jot jêh ri mâu chrê ôh phung o ach, Pit in ngih vâl mâu geh ôh păng ndâk.

Ndrom Samƀŭt bơh Yôp 22:9

Phung bu ur ndrô may mprơh sǐt ti dơm, Phung kon đơi may chalơi mâu hôm geh ntŭk nsing rnơm.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 6:7

Nâm bu ntu dak mâm ƀư prăp ăn dak nđik nâm pônây, Pôri ƀon nây ăt prăp nau mhĭk păng pônây lĕ. Lam ƀon knŏng tăng nau ƀai jêh ri ƀư rai; Tanăp măt Gâp knŏng saơ ji kuet jêh ri sôt rmanh.

Êsêkiêl 44:6

Ăn may lah hom ma phung vay tâm rdâng, jêng ma ngih Israel pô aơ, Kôranh Brah Yêhôva lah: ‘Hơi ngih Israel, lĕ rngôch nau ƀơ̆ khân may hŏ ƀư lĕ găp jêh!

Êsêkiêl 7:11

Nau janh ƀai hŏ văch jêh nâm bu mâng nau mhĭk; mâu geh du huê bunuyh tâm phung khân păng hôm e klen, mâu hôm geh âk bunuyh, mâu hôm geh nau ndrŏng kuăng, mâu hôm geh nau khlay ta nklang khân păng.

Êsêkiêl 7:23

Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Amôt 5:24

Ƀiălah ăn nau sŏng hoch nâm bu dak, Jêh ri nau sŏng srăng nâm bu dak krong toyh hoch thăng ƀaƀơ.

Mika 2:9

Khân may mprơh du lơi phung bu ur ƀon lan Gâp Tă bơh ngih ueh maak khân păng Sŏk lơi nau chrêk rmah Gâp Tă bơh phung kon khân păng n'ho ro.

Mika 6:10

Hơi ngih djơh mhĭk, mâm Gâp dơi chuêl Jay drăp ndơ khlay mƀruh Jêh ri ndơ veh njing n'hŭch khư ma nau tâm rmot ma may?

Sakari 7:9

“Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Sakari 8:16

Aơ jêng nau ăn khân may ƀư: Ăp nơm sŏk nau ngơi ngăn ma phung chiau meng păng; ta mpông ƀon khân may, phat dôih hom ăn nanê̆ ngăn, nau di jêh ri nau đăp mpăn;

Luka 3:14

Phung tahan ôp đŏng: “Bi hên, mâm hên mra ƀư?” Păng plơ̆ lah: “Lơi nkrit nhhu mâu lah ngơi nchơt bu gay sŏk prăk, ƀiălah maak nuih n'hâm di nau nkhôm khân may nơm.”

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.