Êsêkiêl 45:8 - Nau Brah Ndu Ngơi 2023

⁸ Kô̆ neh nây mra jêng drăp ndơn hađăch bri Israel. Phung hađăch Gâp mâu mra tŭn jot phung ƀon lan Gâp đŏng ôh, ƀiălah mra tâm pă kô̆ neh hôm e ăn lĕ mpôl băl Israel.

Êsêkiêl 45:8 ပူးပေါင်းရင်းမြစ်များ

Nau Hôr 28:16

Phung kôranh chiă uănh mâu geh nau gĭt vât knŏng rvê nau tŭn jot, Ƀiălah bunuyh tâm rmot sa ndơ bu mâu tâm di mra dơi rêh jŏ năm.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Êsêkiêl 19:3

Păng rong du mlâm yau mŭr kon tâm phung păng, Păng jêng du mlâm yau mŭr rah, Nti kăp mpa Jêh ri păng sa puăch bu.

Êsêkiêl 19:7

Păng ƀư rlâm pôih nâp khân păng Jêh ri ƀư rai lĕ ƀon toyh khân păng; Bri jêh ri lĕ rngôch mpô mpa gŭ tâm nây jêng rngol da dê, Yor tăng bâr păng rđuh ngrông khân păng.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:6

Uănh hom, phung kôranh Israel gŭ tâm may, ăp nơm sŏk tĭng nau dơi chiă uănh da dê ƀư pling mham.

Êsêkiêl 46:18

Hađăch mâu sŏk ôh du ntil ndơ jêng drăp ndơ phung ƀon lan jêh ri mprơh khân păng tă bơh drăp ndơn khân păng. Hađăch mra sŏk ndơ êng păng nơm ăn phung kon bu klâu păng ƀư drăp ndơ gay ma mâu geh du huê tâm phung ƀon lan Gâp mâu geh ôh roh drăp ndơ khân păng.”

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 19:49

Tơlah khân păng tâm pă ăp n'gor neh hŏ lôch jêh, phung ƀon lan Israel sŏk du kô̆ drăp ndơn ta nklang khân păng ăn ma Y-Yôsuê, kon bu klâu Y-Nun.