Êsêkiêl 45:3 - Nau Brah Ndu Ngơi 2023

³ Tâm nkual neh kloh ueh nây, ăn khân may prăp êng du ntŭk neh nau jong geh jât bar rmưn prăm rhiăng jêh ri nau huy prăm rbăn met gay ƀư ntŭk kloh ueh, ta nây jêng ntŭk dŭt kloh ueh.

Êsêkiêl 45:3 ပူးပေါင်းရင်းမြစ်များ

I Phung Hađăch 6:16

Hađăch nchăng rgăn jât met kô̆ nglĕ dŭt tâm ngih brah ma kađar tơm si sêdar ntơm bơh mbon tâm dâng tât ma dra klơ, gay ƀư Ntŭk Dŭt Kloh Ueh.

Êsêkiêl 45:2

Ta klơ kô̆ neh nây, ăn khân may sŏk du ntŭk neh njok rkăng tâm ban gay ƀư ntŭk kloh ueh, nau jong bar rhiăng prăm jât met, nau dĭ rkăng ăt bar rhiăng prăm jât met. Văr jŭm ntŭk neh nây mra geh du ntŭk neh nsoih jêng bar jât prăm met.

Êsêkiêl 45:4

Nây jêng du kô̆ neh kloh ueh jêng nkual prăp ăn ma lĕ phung kôranh ƀư brah jêng nơm pah kan tâm ntŭk kloh ueh jêh ri văch dăch Brah Yêhôva gay pah kan ma Păng. Nây jêng ntŭk gay ndâk ngih ăn ma khân păng jêh ri du ntŭk kloh ueh ăn ntŭk kloh ueh.

Êsêkiêl 48:10

Kô̆ neh kloh ueh mra prăp ma phung kôranh ƀư brah, geh du rmưn bar rbăn prăm rhiăng met nau jong, rlet mpeh pa lơ, prăm rbăn met nau jong mpeh nhâp nar, prăm rbăn met mpeh luh nar, jêh ri du rmưn bar rbăn prăm rhiăng met nau jong rlet mpeh pa dâng. Ntŭk kloh ueh Brah Yêhôva mra gŭ ta nklang.

Êsêkiêl 48:8

Mbot đah neh phung Yuđa, tă mpeh luh nar tât mpeh nhâp nar, mra jêng kô̆ neh khân may mra prăp êng. Kô̆ neh nây mra jêng du rmưn bar rbăn prăm rhiăng met nau rkăng jêh ri nau jong tă mpeh luh nar let ma nhâp nar tâm ban kô̆ ma phung ntil mpôl. Ntŭk kloh ueh mra gŭ ta nklang kô̆ neh nây.