Êsêkiêl 45:1 - Nau Brah Ndu Ngơi 2023

¹ “Tơlah khân may tâm nchroh gay tâm pă n'gor ƀư drăp ndơn, ăn khân may sŏk lor du kô̆ nhhơr ma Brah Yêhôva; nây jêng du kô̆ neh kloh ueh. Păng geh bar jât rbăn prăm rhiăng met jong jêh ri nau dĭ rkăng jêng prăm met. Lĕ rngôch nkual mra jêng kloh ueh.

Êsêkiêl 45:1 ပူးပေါင်းရင်းမြစ်များ

Nau Hôr 3:9

Sŏk hom drăp ndơ jêh ri kao play yan dak bôk Gay tâm rnê Brah Yêhôva;

Êsêkiêl 42:16

Bunuyh nây sŏk mâng veh gay veh mpeh luh nar geh bar rhiăng prăm jât met.

Êsêkiêl 48:29

Aơ jêng neh khân may tâm nchroh gay tâm pă ăn phung ndŭl mpôl Israel ƀư jêng drăp ndơn jêh ri jêng kô̆ neh khân păng, Kôranh Brah Yêhôva lah pônây.

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Nau Kơp Bunuyh 34:13

Y-Môis ntăm ma phung ƀon lan Israel pô aơ: “Nĕ jêng n'gor khân may mra dơn jêng drăp ndơn, nâm Brah Yêhôva ntĭnh ntăm gay ăn ma sĭn ndŭl mpôl jêh ri n'gul ndŭl mpôl.

Yôsuê 13:6

Bi ma lĕ rngôch phung ƀon lan gŭ tâm bri klơ dor yôk, ntơm bơh Liban tât ma Misrêpôt-Maim, lĕ rngôch phung Sidôn, Gâp nơm yơh mra mprơh khân păng luh bơh phung ƀon lan Israel. Ƀiălah may tâm pă hom bri nây ma phung Israel jêng drăp ndơn, tĭng nâm nau Gâp ntĭnh jêh ma may.

Yôsuê 13:7

Pônây aƀaơ ri, tâm pă hom bri nây ma sĭn ndŭl mpôl, jêh ri ma du n'gul ndŭl mpôl Manasê.”

Yôsuê 14:1

Aơ jêng drăp ndơn ma phung ƀon lan Israel sŏk dơn tâm bri Kanaan, tĭng nâm kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl tâm lĕ ndŭl mpôl phung ƀon lan Israel tâm pă jêh ma khân păng.

Yôsuê 14:2

Khân păng nchroh n'hôr gay tâm pă drăp ndơn nây ăn ma sĭn ndŭl mpôl jêh ri du n'gul ndŭl mpôl di nâm Brah Yêhôva ntăm jêh ma Y-Môis.

Yôsuê 14:3

Y-Môis ăn jêh drăp ndơn ma bar ndŭl mpôl jêh ri du n'gul ndŭl mpôl gŭ ta đah ri dak krong Yurdan, ƀiălah păng mâu ăn ôh drăp ndơn ma phung Lêvi gŭ vah vang lĕ ndŭl mpôl.