Êsêkiêl 43:4 - Nau Brah Ndu Ngơi 2023

⁴ Chrêk ma lơp Brah Ndu lăp tâm ngih brah rgăn ta mpông pêr mpeh luh nar.

Êsêkiêl 43:4 ပူးပေါင်းရင်းမြစ်များ

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Nau Ngluh Êjipt 40:35

Y-Môis mâu dơi lăp ôh tâm Ngih Bok Nau Tâm Rƀŭn, yorlah ndâr tŭk nkŭm ta klơ; nau chrêk rmah Brah Yêhôva bêng ma Ngih Bok.

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsêkiêl 1:28

Nchrat nchrang gâp saơ jŭm ntŭk nây nâm bu nau ang bêh tŭng tĭng tâm tŭk dôl nar mih. Nây jêng nau tâm mpơl rup nau chrêk rmah Brah Yêhôva. Tơlah gâp saơ pônây, gâp păn muh măt ta neh jêh ri gâp tăng bâr dôl lah ma gâp.

Êsêkiêl 11:23

Nau chrêk rmah Brah Ndu hao rlet klơ tă bơh nklang ƀon jêh ri gŭ ta klơ yôk mpeh luh nar ƀon.

Êsêkiêl 3:12

Rnôk nây Huêng Brah chông gâp leo klơ jêh ri gâp tăng nau nteh mpât ktang ngăn pakơi gâp pô aơ: “Khư tâm rnê ma nau chrêk rmah Brah Yêhôva tă bơh tâm ntŭk Păng dôl gŭ!”

Êsêkiêl 43:1

Jêh nây bunuyh nây leo gâp hăn lăp mpông pêr, jêng mpông pêr uănh mpeh luh nar.

Êsêkiêl 43:2

Gâp saơ nau chrêk ma lơp Brah Ndu Israel tă bơh mpeh luh nar văch tât. Nteh bâr Păng nâm bu nteh n'gôr dak toyh, jêh ri tâm neh nchrat ang yor nau chrêk ma lơp Păng.

Êsêkiêl 44:2

Brah Yêhôva lah ma gâp: “Mpông pêr aơ mra ntĭl mro, mâu pơk đŏng ôh. Mâu geh nuyh dơi lăp mpông pêr aơ yorlah Yêhôva Brah Ndu Israel hŏ lăp ma mpông nây. Yor ri, mpông nây mra ntĭl lơi.

Êsêkiêl 44:4

Jêh nây păng leo gâp tât panăp ngih brah ta mpông pêr mpeh pa lơ. Gâp uănh treng, aơ, nau chrêk ma lơp Brah Yêhôva bêng ngih Brah Yêhôva, jêh ri gâp păn muh măt ta neh.