Êsêkiêl 43:3 - Nau Brah Ndu Ngơi 2023

³ Nau tâm saơ gâp saơ rnôk nây tâm ban đah nau tâm saơ hŏ mpơl ma gâp tơlah Păng văch ƀư rai ƀon aơ. Păng tâm ban đah nau tâm saơ gâp hŏ tâm saơ ta kơh dak krong Kêbar jêh ri gâp păn muh măt ta neh.

Êsêkiêl 43:3 ပူးပေါင်းရင်းမြစ်များ

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Êsêkiêl 3:23

Pôri gâp hăn ro ma ntŭk neh lâng. Jêh ri ta nây, gâp saơ nau chrêk rmah Brah Yêhôva gŭ ta nây nâm bu nau chrêk rmah gâp hŏ saơ jêh ta kơh krong Kêbar. Gâp păn muh măt ta neh.

Êsêkiêl 32:18

“Hơi kon bunuyh, nhĭm vơl hom ma ƀon lan bĭk rơ̆ bri Êjipt. Nklơ̆ lơi hom ƀon lan nây ndrel ma phung kon bu ur lĕ rngôch bri dak geh lư n'găr jŭr tâm ntŭk jru tâm dâng neh, ăn ma khân păng ndrel mrô nal ma phung hŏ jŭr jêh ma ntu jru!

Êsêkiêl 44:4

Jêh nây păng leo gâp tât panăp ngih brah ta mpông pêr mpeh pa lơ. Gâp uănh treng, aơ, nau chrêk ma lơp Brah Yêhôva bêng ngih Brah Yêhôva, jêh ri gâp păn muh măt ta neh.

Êsêkiêl 8:4

Ri nau chrêk rmah Brah Ndu Israel gŭ ta nây nâm bu gâp hŏ uănh nau tâm saơ ta neh lâng.

Êsêkiêl 9:1

Păng nter kuăl nteh huy ta tôr gâp pô aơ: “Ăn phung mât uănh ƀon toyh văch dăch hom, ăp nơm djôt ndơ tâm lơh ƀư rai tâm ti păng nơm.”

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Êsêkiêl 9:3

Nau chrêk rmah Brah Ndu Israel hao trơn bơh Chêrub jêng ntŭk păng vay gŭ hăn tât ta kađar lăp mpông sâng ngih brah. Brah Yêhôva kuăl bunuyh nsoh ao bok mhay, gang bŭt văn hip ndơ nchih

Êsêkiêl 9:5

Jêh nây gâp tăng Păng lah ma phung êng pô aơ: “Tĭng hom pakơi bunuyh nây, hăn lam ƀon jêh ri lơh nkhĭt; măt may uănh lơi nhhuach ôh, mâu lĕ geh nau yô̆.