Êsêkiêl 43:2 - Nau Brah Ndu Ngơi 2023

² Gâp saơ nau chrêk ma lơp Brah Ndu Israel tă bơh mpeh luh nar văch tât. Nteh bâr Păng nâm bu nteh n'gôr dak toyh, jêh ri tâm neh nchrat ang yor nau chrêk ma lơp Păng.

Êsêkiêl 43:2 ပူးပေါင်းရင်းမြစ်များ

Êsai 17:12

Ơ, phung ndŭl mpôl bunuyh âk râk ƀư nteh drơu drơu! Khân păng ngrông tâm ban ma nteh rbuh dak mƀŭt! Nteh drơu drơu tâm phung ndŭl mpôl bunuyh Ngrông tâm ban ma nteh âk dak leng hoch!

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Êsêkiêl 1:24

Tơlah khân păng hăn leo panăp, gâp tăng nteh rpuh lĕ nting năr khân păng nâm bu nteh dak hoch djhut djhut, nâm bu bâr Nơm Geh Lĕ Nau Brah, nteh drơu drơu phung tahan. Tơlah khân păng gŭ nsrŭng, nting năr khân păng nhop.

Êsêkiêl 1:28

Nchrat nchrang gâp saơ jŭm ntŭk nây nâm bu nau ang bêh tŭng tĭng tâm tŭk dôl nar mih. Nây jêng nau tâm mpơl rup nau chrêk rmah Brah Yêhôva. Tơlah gâp saơ pônây, gâp păn muh măt ta neh jêh ri gâp tăng bâr dôl lah ma gâp.

Êsêkiêl 10:4

Nau chrêk rmah Brah Yêhôva hao du klơ tă bơh chêrub jêh ri dâk ta ntŭk kađar lăp mpông sâng ngih brah. Ngih brah bêng ndâr tŭk jêh ri tâm nkual nhuang bêng nau chrat ang chrêk ma lơp Brah Yêhôva.

Êsêkiêl 11:22

Rnôk nây phung chêrubim lĭ nting năr ndrel ma lĕ jâng ndeh ta meng khân păng, jêh ri nau chrêk rmah Brah Ndu Israel gŭ ta klơ khân păng.

Êsêkiêl 11:23

Nau chrêk rmah Brah Ndu hao rlet klơ tă bơh nklang ƀon jêh ri gŭ ta klơ yôk mpeh luh nar ƀon.

Êsêkiêl 3:23

Pôri gâp hăn ro ma ntŭk neh lâng. Jêh ri ta nây, gâp saơ nau chrêk rmah Brah Yêhôva gŭ ta nây nâm bu nau chrêk rmah gâp hŏ saơ jêh ta kơh krong Kêbar. Gâp păn muh măt ta neh.

Êsêkiêl 43:4

Chrêk ma lơp Brah Ndu lăp tâm ngih brah rgăn ta mpông pêr mpeh luh nar.

Êsêkiêl 44:2

Brah Yêhôva lah ma gâp: “Mpông pêr aơ mra ntĭl mro, mâu pơk đŏng ôh. Mâu geh nuyh dơi lăp mpông pêr aơ yorlah Yêhôva Brah Ndu Israel hŏ lăp ma mpông nây. Yor ri, mpông nây mra ntĭl lơi.

Êsêkiêl 9:3

Nau chrêk rmah Brah Ndu Israel hao trơn bơh Chêrub jêng ntŭk păng vay gŭ hăn tât ta kađar lăp mpông sâng ngih brah. Brah Yêhôva kuăl bunuyh nsoh ao bok mhay, gang bŭt văn hip ndơ nchih

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Habakuk 3:3

Brah Ndu văch tă bơh bri Têman Nơm Kloh Ueh văch tă bơh yôk Paran. Nau chrêk ma lơp Păng nkŭm lĕ ndâr trôk, Nau tâm rnê Păng nter huy lam neh ntu. (Sêla)

Habakuk 3:4

Nau nchrat Păng nâm bu nau ang; Lĕ nau nchrat luh bơh ti Păng, Nây jêng ntŭk pôn nau brah Păng.

Yôhan 12:41

Y-Êsai lah nau aơ, yorlah hŏ saơ nau chrêk rmah Brah Yêsu jêh ri lah ma Păng.

Nau Tâm Mpơl 1:15

jâng păng nâm bu kông tho chrêk hŏ ƀư kloh jêh tâm ŭnh năk; bâr Păng nâm bu nteh n'gôr âk n'hor dak.

Nau Tâm Mpơl 14:2

Gâp tăng tă bơh trôk nteh nâm bu nteh âk n'hor dak jêh ri nâm bu nteh nglaih ktang. Nau nteh gâp tăng nâm bu nteh gong rêng dôl khân păng kreh gong rêng.

Nau Tâm Mpơl 18:1

Pakơi nây, gâp saơ du huê tông mpăr êng geh nau dơi toyh ngăn jŭr tă bơh trôk; lĕ neh ntu jêng n'gă ang da dê ma nau chrêk rmah tông mpăr nây.

Nau Tâm Mpơl 19:1

Jêh nau nây, gâp tăng ta klơ trôk nâm bu geh bâr ktang du mpôl bunuyh âk lah pô aơ: “Halêluya! Nau tâm rklaih, nau chrêk rmah jêh ri nau brah jêng ndơ Brah Ndu he.

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.

Nau Tâm Mpơl 21:11

ral ang nau chrêk rmah Brah Ndu; nau ral ang ƀon nây nâm bu du mlâm găr lŭ khlay ngăn, nâm bu lŭ khlay jaspidi ang rsang ngăn.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.