Êsêkiêl 41:26 - Nau Brah Ndu Ngơi 2023

²⁶ Ta mpir nhuang panăp jêng mpông bloh mbong gre geh bar đah kach nsêr rup tơm play đung. Lĕ jrô kêng pŭng ngih brah jêh ri chor nkŭm ăt dơi ƀư ueh tâm ban pônây lĕ.

Êsêkiêl 41:26 ပူးပေါင်းရင်းမြစ်များ

I Phung Hađăch 7:4

Geh pe mbor mpông bloh, mbor aơ bu ƀư tâm rle panăp ma mbor ri jêng pe mbor.

I Phung Hađăch 7:6

Hađăch ƀư đŏng du ndring ngih geh âk meh; ndring ngih nây jong bar jât prăm met, rkăng jât mprăm met. Mpeh panăp ndring ngih geh âk meh jêh ri du chiăng jia.

Êsêkiêl 40:16

Lĕ jrô jêh ri jrŏng păng mpeh ta trôm mpông pêr kŏ tât nhuang panăp geh mpông bloh mbong gre bar da dê. Mpeh tâm trôm jêh ri jŭm nây geh mpông bloh da dê. Ta klơ lĕ jrŏng geh lĕ rup tơm sala.

Êsêkiêl 40:48

Jêh nây đŏng, Bunuyh nây njŭn gâp lăp nhuang panăp ngih brah jêh ri bunuyh nây veh lĕ jrŏng nhuang panăp, du ding bar met n'gul; nau dĭ mpông pêr jêng pơh met, nau jru mpông pêr ăp pŭng du met n'gul.

Êsêkiêl 40:9

Bunuyh nây veh nhuang panăp mpông pêr geh puăn met jêh ri lĕ meh păng geh du met. Nây jêng nhuang panăp mpông pêr tâm trôm.

Êsêkiêl 41:16

Lĕ ndop mpông, lĕ mpông bloh mbong gre, lĕ nkual văr jŭm pe tăp nây, mpeh panăp ndop mpông, lĕ rngôch ndop mblum văr jŭm ma kađar da dê. Ntơm bơh neh tât mpông bloh jêh ri lĕ mpông bloh geh nkŭm da dê.

Êsêkiêl 41:5

Jêh nây păng veh mpir ngih brah mbâl pe met; dĭ lĕ jrô kêng pŭng văr jŭm ngih jêng bar met.