Êsêkiêl 41:22 - Nau Brah Ndu Ngơi 2023

²² Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”

Êsêkiêl 41:22 ပူးပေါင်းရင်းမြစ်များ

I Phung Hađăch 6:20

Ntŭk Dŭt Kloh Ueh jong jât met, rkăng jât met, jêh ri prêh jât met, bu mblum păng ma mah chrêk. Nơng ƀư brah păng ƀư ma tơm si sêdar, bu mblum đŏng păng ma mah chrêk.

I Phung Hađăch 6:22

Hađăch mblum ma mah lam lĕ ngih brah kŏ tât mâu hôm geh ôh du ntŭk hŏng mâu geh mah. Hađăch mblum đŏng ma mah lam măt nơng ƀư brah ta Ntŭk Dŭt Kloh Ueh.

I Phung Hađăch 7:48

Y-Salômôn ƀư đŏng lĕ rngôch ndơ dŏng tâm ngih Brah Yêhôva geh: nơng ƀư brah ma mah, sưng n'gân piăng let nhhơr ƀư đŏng ma mah;

II Nau Rêh Jêng 4:19

Y-Salômôn ƀư jêh lĕ rngôch ndơ dŏng tâm ngih Brah Ndu geh: nơng ƀư brah ma mah, lĕ sưng n'gân piăng let nhhơr;

Nau Ngluh Êjipt 25:23

“Ăn may ƀư đŏng du mlâm sưng ma si akasi, jong pham jât pham centimet, dĭ puăn jât puăn centimet jêh ri prêh prao jât prao centimet,

Nau Ngluh Êjipt 30:8

Kêng măng, dôl mpoh ŭnh kađen, Y-Arôn mra su đŏng ndơ ƀâu kah; nây jêng ndơ ƀâu kah nhhơr ăn ƀaƀơ tanăp Brah Yêhôva tâm ăp rô̆.

Nau Hôr 9:2

Ƀư puăch mpô mpa, tâm pot ndrănh krăk ƀâu, Ndrăp sưng sông sa lĕ rơm ndrăp jêh.

Nau Mprơ Ueh 1:12

Tâm dôl hađăch gŭ ta tâm trôm ngih hađăch, Dak kôlônh gâp n'hôl ƀâu kah ngăn.

Êsêkiêl 23:41

Ay gŭ ta klơ sưng bê̆ch ueh; panăp sưng nây geh du mlâm sưng sông jêh ri dơm ta klơ nây ndơ ƀâu kah jêh ri dak ngi ôlive Gâp.

Êsêkiêl 44:16

Nây jêng phung mra lăp tâm ntŭk kloh ueh Gâp, văch dăch sưng Gâp gay pah kan ma Gâp jêh ri ƀư nau kan Gâp.

Kan Lêvi 24:6

jêh ri ăn may dăp păng bar mbor, prao mlâm tâm du mbor, ta klơ sưng ndop ma mah kloh tra năp Brah Yêhôva.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Malachi 1:7

“Khân may nhhơr piăng let ƀơ̆ ƀơch ta nơng ƀư Brah Gâp, jêh ri lah: ‘Phung hên ntŭk hŏ geh ƀư ƀơ̆ ƀơch ma May?’ Khân may mĭn rvê pô aơ: ‘Nơng bơh Brah Yêhôva jêng ndơ mưch rmot.’

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.

Nau Tâm Mpơl 8:3

Geh du huê tông mpăr êng djôt khăl mah ndơ ƀâu kah văch dăch nơng ƀư brah. Bu ăn ma păng âk ndơ ƀâu kah gay ma păng nhhơr ndrel ma lĕ nau mbơh sơm bơh lĕ rngôch phung kloh ueh ta nơng ƀư brah mah gŭ panăp sưng hađăch.