Êsêkiêl 41:18 - Nau Brah Ndu Ngơi 2023

¹⁸ bu kach nsêr rup chêrubim jêh ri lĕ tơm sala; du mlâm tơm play đung jêng ta nklang bar chêrubim. Ăp chêrubim geh bar muh măt:

Êsêkiêl 41:18 ပူးပေါင်းရင်းမြစ်များ

I Phung Hađăch 6:35

Y-Salômôn trah mon lĕ rup chêrubim, rup tơm đung jêh ri kao dang, jêh nây mblum ma mah, jêh ri nkŭm ma mah ta lĕ rup trah mon.

I Phung Hađăch 7:29

Ta klơ lĕ blah kông nkrêp đah jrŏng nây geh trah rup lĕ yau mŭr, ndrôk nkuăng, jêh ri chêrubim; ta lĕ jrŏng, lĕ mpeh klơ jêh ri mpeh tâm dâng lĕ rup yau mŭr jêh ri ndrôk geh trah lĕ rvang kao.

I Phung Hađăch 7:36

Ta măt năp jêh ri lĕ blah kông, Y-Hiram trah lĕ rup chêrubim, yau mŭr, jêh ri tơm đung, bi lĕ ntŭk hŏng păng trah lĕ rvang kao nkŭm jŭm.

II Nau Rêh Jêng 3:5

Jrô toyh ngih brah păng ƀư ma tơm si sêdar jêh ri mblum ma mah chrêk, nkrơ̆ rup tơm đung jêh ri rse rvăk ta klơ.

II Nau Rêh Jêng 3:7

Păng mblum ma mah lam ngih brah: njon ngih, kađar lăp mpông sâng, mpir jêh ri mpông; păng trah rup chêrubim ta mpir.

Êsêkiêl 1:10

Bi ma muh măt khân păng, ăp puăn mlâm geh muh măt bunuyh da dê; puăn mlâm geh muh măt yau mŭr da dê mpeh pa ma; puăn mlâm geh muh măt ndrôk da dê mpeh pa chiau jêh ri puăn mlâm geh muh măt klang lêl da dê.

Êsêkiêl 10:14

Ăp chêrub geh puăn muh măt: măt rơh nguay jêng muh măt Chêrub; muh măt rơh bar jêng muh măt bunuyh; muh măt rơh pe jêng muh măt yau mŭr; muh măt rơh puăn jêng muh măt klang lêl.

Êsêkiêl 10:21

Ăp chêrub geh puăn muh măt jêh ri puăn nting năr; tâm dâng nting năr geh rup nâm bu ti bunuyh.

Êsêkiêl 40:16

Lĕ jrô jêh ri jrŏng păng mpeh ta trôm mpông pêr kŏ tât nhuang panăp geh mpông bloh mbong gre bar da dê. Mpeh tâm trôm jêh ri jŭm nây geh mpông bloh da dê. Ta klơ lĕ jrŏng geh lĕ rup tơm sala.

Êsêkiêl 40:22

Lĕ mpông bloh, nhuang panăp jêh ri rup tơm sala jêng ndơ păng ăt tâm ban ma đah nau veh mpông pêr mpeh luh nar. Geh pơh mbak gung hao leo ma mpông pêr jêh ri du nhuang panăp tâm trôm nây.

Êsêkiêl 41:17

Ta klơ mpông, tâm trôm jêh ri padih ngih brah, lam mpir văr jŭm tâm trôm jêh ri padih,

Êsêkiêl 41:20

Ntơm bơh neh tât ta klơ mpông luh lăp, bu kach ta rup Chêrubim jêh ri rup tơm sala ta klơ mpir ngih brah.

Êsêkiêl 41:25

Geh rup Chêrubim jêh ri lĕ rup tơm sala kach nsêr ta mpông ngih tâm ban đŏng ta klơ mpir. Geh du ndring ma tơm si panăp nhuang, mpeh padih.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.