Êsêkiêl 40:6 - Nau Brah Ndu Ngơi 2023

⁶ Jêh ta nây, păng hăn tât ta mpông pêr mpeh luh nar, chuat hao pe mbak gung gay veh ndring mpông mpêr, nau dĭ du bông mâng; ndring êng ăt du bông mâng.

Êsêkiêl 40:6 ပူးပေါင်းရင်းမြစ်များ

I Phung Hađăch 6:8

Mpông lăp ma ngih ta nklang ta mpeh pa ma ngih brah; bu hăn hao ngih ta nklang ma du mlâm gung, jêh nây bơh ngih ta nklang hăn hao ngih tal pe.

I Nau Rêh Jêng 9:18

N'ho tât ma aƀaơ khân păng gŭ gak tâm mpông pêr hađăch ta mpeh luh nar; bi kăl e, chô yau khân păng jêng phung mât mray mpông ngih bok phung Lêvi.

I Nau Rêh Jêng 9:24

Phung mât njrăng mpông pêr gŭ ta puăn mpeh: luh nar, nhâp nar, pa dâng, pa lơ.

Nêhêmi 3:29

Pakơi, geh Y-Sadôk, kon bu klâu Y-Imer, nkra kô̆ mpeh tâm tra đah ngih păng nơm. Jêh ta nây, geh Y-Sêmaya, kon bu klâu Y-Sêkania, nơm mât chiă mpông pêr Pa lơ, ndâk nkra mpêr ƀon.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Yêrêmi 19:2

tât ta rlŭng Ben Hinôm, kêng trong lăp mpông rsong. Ta nây, may mbơh hom lĕ nau Gâp lah ma may.

Êsêkiêl 10:18

Rnôk nây nau chrêk rmah Brah Yêhôva luh tă bơh kađar lăp mpông sâng ngih brah jêh ri gŭ ta klơ phung chêrubim.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 40:20

Păng hăn veh nau jong jêh ri nau dĭ mpông pêr mpeh pa lơ, leo ma tâm nkual padih.

Êsêkiêl 40:22

Lĕ mpông bloh, nhuang panăp jêh ri rup tơm sala jêng ndơ păng ăt tâm ban ma đah nau veh mpông pêr mpeh luh nar. Geh pơh mbak gung hao leo ma mpông pêr jêh ri du nhuang panăp tâm trôm nây.

Êsêkiêl 40:24

Jêh nây, păng leo gâp hăn sĭt mpeh pa dâng. Aơ, ta nây geh mpông mpêr mpeh pa dâng. Păng veh lĕ jrŏng jêh ri lĕ ndring panăp ăt tâm ban ma nau veh.

Êsêkiêl 40:26

Geh ntung gung pơh mbak gung hao leo mpông pêr jêh ri du mlâm nhuang panăp tâm trôm nây; ta klơ lĕ rngôch bar đah jrŏng geh âk rup tơm sala da dê.

Êsêkiêl 40:5

Ri, geh du mlâm mpêr văr jŭm padih ngih brah. Bunuyh nây djôt tâm ti du bông mâng gay ma veh, jong pe met, jêng prao amma, ăp amma nây jong lơn met vay dŏng du nđam. Bunuyh nây veh nau dĭ mpêr jêng du bông mâng jêh ri nau prêh jêng du bông mâng.

Êsêkiêl 40:7

Ăp jrô jong du bông mâng jêh ri dĭ du bông mâng. Vah vang ăp jrô tâm ƀah bar met n'gul; kađar lăp mpông sâng êp ta nhuang panăp mpông pêr nây huy du bông mâng veh.

Êsêkiêl 41:16

Lĕ ndop mpông, lĕ mpông bloh mbong gre, lĕ nkual văr jŭm pe tăp nây, mpeh panăp ndop mpông, lĕ rngôch ndop mblum văr jŭm ma kađar da dê. Ntơm bơh neh tât mpông bloh jêh ri lĕ mpông bloh geh nkŭm da dê.

Êsêkiêl 42:15

Lôch jêh hŏ veh mpeh tâm trôm ngih brah, păng leo gâp luh ta mpông mpeh luh nar jêh ri veh văr jŭm ngih brah.

Êsêkiêl 43:1

Jêh nây bunuyh nây leo gâp hăn lăp mpông pêr, jêng mpông pêr uănh mpeh luh nar.

Êsêkiêl 43:17

Năp mpeh klơ tâm ban lĕ jêng puăn blon đŏng, pơh met jong jêh ri pơh met huy; geh du mlâm năp văr jŭm bar nđam n'gul jêh ri du mlâm bong n'gul met. Bi ma nau mbak ntung hao nơng ƀư brah rle mpeh luh nar.”

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Êsêkiêl 44:1

Păng leo gâp tât mpông pêr padih ntŭk kloh ueh mpeh luh nar. Mpông nây hôm e nchăng.

Êsêkiêl 46:12

Tơlah hađăch nhhơr ma Brah Yêhôva ndơ ƀư brah tĭng ŭch, nđâp lah ndơ ƀư brah gŭch mâu lah ndơ ƀư brah ma nau đăp mpăn, pôri bu mra pơk mpông pêr mpeh luh nar ăn ma hađăch. Hađăch mra nhhơr ndơ ƀư brah gŭch mâu lah ndơ ƀư brah ma nau đăp mpăn nâm bu hađăch hŏ nhhơr jêh ndơ ƀư brah nây ta nar saƀat. Jêh nây, hađăch du luh, jêh ri tơlah hŏ du luh jêh pôri mpông pêr bu dơi ntĭl lơi.”

Êsêkiêl 47:1

Jêh ta nây, păng leo gâp hăn đŏng rlet ma mpông pêr ngih brah jêh ri aơ, n'hor dak krong luh tă bơh tâm dâng mbong ngih brah hoch rlet mpeh luh nar (yorlah ngih brah ndâk rle luh nar). N'hor dak nây tă bơh pŭng pa ma ngih brah jŭr hoch mpeh pa dâng nơng ƀư brah.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.