Êsêkiêl 40:5 - Nau Brah Ndu Ngơi 2023

⁵ Ri, geh du mlâm mpêr văr jŭm padih ngih brah. Bunuyh nây djôt tâm ti du bông mâng gay ma veh, jong pe met, jêng prao amma, ăp amma nây jong lơn met vay dŏng du nđam. Bunuyh nây veh nau dĭ mpêr jêng du bông mâng jêh ri nau prêh jêng du bông mâng.

Êsêkiêl 40:5 ပူးပေါင်းရင်းမြစ်များ

Nau Mprơ Ơm 125:2

Nâm bu phung yôk gŭ jŭm ƀon Yêrusalem Pônây lĕ Brah Yêhôva gŭ jŭm phung ƀon lan Păng. Ntơm bơh aƀaơ kŏ tât n'ho ro.

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsêkiêl 41:8

Tâm ban lĕ gâp saơ ngih brah n'gân klơ du mbon prêh veh du bông mâng veh, nây jêng pe met; mbon lĕ jrô kêng pŭng tâm ban lĕ.

Êsêkiêl 42:15

Lôch jêh hŏ veh mpeh tâm trôm ngih brah, păng leo gâp luh ta mpông mpeh luh nar jêh ri veh văr jŭm ngih brah.

Êsêkiêl 42:20

Pôri, păng veh lĕ puăn pŭng mpir văr jŭm ngih brah, nau jong bar rhiăng prăm jât met, nau huy bar rhiăng prăm jât met. Mpir aơ gay tâm pă rnglah ntŭk kloh ueh ma đah ntŭk ƀon lan.

Êsêkiêl 43:13

Aơ jêng nau veh nơng ƀư brah veh amma (du amma aơ jong lơn amma vay du nđam). Mbon păng prêh lơn n'gul met jêh ri rkăng n'gul met, geh ndor năp jŭm nây prêh du nđam. Aơ jêng nau prêh nơng ƀư brah.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Nau Vay Nkah Tay 3:11

(Knŏng geh Y-Ôk, hađăch n'gor Basan, phung Rêphaim, hôm rêh. Sưng bê̆ch hađăch nây ƀư ma loih mâu di hĕ păng gŭ ta ƀon toyh Raba phung kon sau Ammôn? Sưng bê̆ch nây jong rlau puăn met, dĭ du met pham.)

Nau Tâm Mpơl 21:12

Ƀon geh mpêr toyh jêh ri prêh, geh jât ma bar mpông. Ta lĕ mpông geh jât ma bar tông mpăr, jêh ri ta klơ lĕ mpông nây geh nchih amoh jât ma bar ndŭl mpôl phung Israel.