Êsêkiêl 40:4 - Nau Brah Ndu Ngơi 2023

⁴ Bu klâu nây lah ma gâp: “Hơi kon bunuyh, sŏk măt uănh hom, sŏk tôr rkêng iăt jêh ri ăn nuih n'hâm gŭ mĭn ma lĕ nau gâp mra mpơl ma may; yorlah ăn may saơ dơi njŭn may tât ta aơ. Pôri nkoch hom lĕ rngôch nau may saơ ma phung Israel.”

Êsêkiêl 40:4 ပူးပေါင်းရင်းမြစ်များ

Êsai 21:10

Ơ phung bu mbang tâm ban ma ba ta ntŭk mprah ba gâp! Nau gâp hŏ tăng jêh bơh Brah Yêhôva ma phung tahan, Jêng Brah Ndu phung Israel, Gâp hŏ mbơh jêh nau nây ma oh nâu gâp gĭt.

Yêrêmi 26:2

Brah Yêhôva lah pô aơ: “May gŭ dâk hom tâm ndring ngih Brah Yêhôva, mbơh lĕ rngôch nau Gâp ntĭnh jêh ăn ma may mra ngơi ma lĕ rngôch phung ƀon lan n'gor Yuđa hŏ văch yơk mbah tâm ngih Brah Yêhôva; mâu n'hŭch du rplay nau ngơi ôh.

Êsêkiêl 2:1

Kôranh Brah lah ma gâp pô aơ: “Hơi kon bunuyh, jâng may dâk hom ăn nâp, Gâp mra ngơi ma may.”

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Êsêkiêl 3:17

“Hơi kon bunuyh, Gâp hŏ njêng may ƀư bunuyh kâp gak ăn ma ngih Israel. Pônây iăt hom nau ngơi tă bơh bâr mbung Gâp jêh ri tâm tang Gâp mbơh ăn ma khân păng.

Êsêkiêl 43:10

Hơi kon bunuyh, rblang hom ngih brah ăn ma phung Israel gay khân păng gĭt bêk prêng ma nau tih khân păng. Ăn khân păng veh tĭng rup bu nchih kach aơ.

Êsêkiêl 44:5

Rnôk nây, Brah Yêhôva lah ma gâp: “Hơi kon bunuyh, sek uănh hom, uănh nanê̆ ma măt jêh ri iăt ma tôr lĕ rngôch ntil nau Gâp mra lah ma may ma lĕ rngôch nau vay ƀư jêh ri nau vay ma ngih brah Brah Yêhôva. Sek uănh hom ntŭk lăp ngih brah, jêh ri lĕ rngôch trong luh tă bơh ntŭk kloh ueh.

Êsêkiêl 47:6

Rnôk nây, păng lah ma gâp: “Hơi kon bunuyh, may saơ lĕ?” Jêh nây păng leo gâp plơ̆ sĭt ta ntŭk kơh dak krong.

Mathay 10:27

Yor nây moh nau Gâp lah ma khân may tâm nau ngo, mbơh hom tâm ntŭk ang; moh nau khân may tăng ngơi huêt jêh êp tôr khân ay may, mbơh hom ta klơ chor ngih.

Mathay 13:9

Mbu nơm geh tôr, rkêng iăt hom!”

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

I Kôrintô 11:23

Yorlah gâp geh dơn tă bơh Kôranh Brah nau gâp nti ma khân may: Nây jêng tâm măng bu jao Brah Yêsu ma bu, Păng sŏk piăng let,

Nau Vay Nkah Tay 32:46

Y-Môis ntĭnh ma khân păng: “Djôt prăp hom tâm nuih n'hâm lĕ rngôch nau ngơi gâp mbơh jêh ma khân may nar aơ, jêh ri ntuh tay ma phung kon sau khân may gay ma khân păng dơi njrăng tĭng kơt lĕ rngôch nau ngơi tâm nau vay aơ.