Êsêkiêl 40:39 - Nau Brah Ndu Ngơi 2023

³⁹ Tâm nhuang panăp mpông pêr, geh bar mlâm sưng ăp pŭng, ta klơ nây bu nkhĭt lĕ mpa ƀư brah dŏng ăn ndơ ƀư brah gŭch, ndơ ƀư brah chuai nau ƀư tih jêh ri ndơ ƀư brah chuai nau tih.

Êsêkiêl 40:39 ပူးပေါင်းရင်းမြစ်များ

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 53:5

Ƀiălah bu ƀư sôt jêh Păng yor nau tih he, Ƀư sôt rmanh jêh Păng yor nau djơh mhĭk he. Yor nau tâm rmal tŭp ta Păng, ăn he đăp mpăn, Yor Păng anh nau bu rpăt, ăn he bah ji.

Êsêkiêl 40:40

Mpeh padih nhuang panăp, êp ntŭk chuat hao rlet mpông pêr mpeh pa lơ, geh bar mlâm sưng; đah ri nhuang panăp mpông pêr ăt geh bar mlâm sưng.

Êsêkiêl 40:41

Pônây, geh puăn mlâm sưng mpeh đah aơ mpông pêr jêh ri puăn mlâm sưng mpeh đah ri, lĕ rngôch jêng pham mlâm. Ta klơ sưng nây, bu nkhĭt mpa ƀư brah.

Êsêkiêl 40:42

Geh đŏng puăn mlâm sưng ma lŭ n'gong dŏng ăn ndơ ƀư brah gŭch, jong n'gul met, dĭ pơh jât prăm centimet, prêh n'gul met, bu dơm ta klơ nây lĕ ndơ dŏng gay nkhĭt mpa ƀư brah ăn ndơ ƀư brah gŭch jêh ri ndơ ƀư brah êng.

Êsêkiêl 41:22

Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”

Êsêkiêl 42:13

Rnôk nây, păng lah ma gâp pô aơ: “Lĕ rngôch jrô mpeh pa lơ jêh ri lĕ jrô mpeh pa dâng tanăp nkual ngih brah jêng lĕ jrô kloh ueh, jêng ntŭk phung kôranh ƀư brah hăn dăch Brah Yêhôva mra sa ndơ ƀư brah kloh ueh ngăn. Phung kôranh nây mra ăn ta nây ndơ ƀư brah kloh ngăn, ndơ ƀư brah rnih môi, ndơ ƀư brah chuai nau ƀư tih jêh ri ndơ ƀư brah chuai nau tih yorlah ntŭk nây jêng kloh ueh.

Êsêkiêl 44:16

Nây jêng phung mra lăp tâm ntŭk kloh ueh Gâp, văch dăch sưng Gâp gay pah kan ma Gâp jêh ri ƀư nau kan Gâp.

Êsêkiêl 46:2

Hađăch mra lăp ta nây ma mpông pêr nhuang panăp jêh ri dâk dăch jrŏng mpông pêr dôl phung kôranh ƀư brah mra nhhơr ndơ ƀư brah gŭch jêh ri ndơ ƀư brah ma nau đăp mpăn. Hađăch mra chon mon mbah ta ntŭk lăp mpông pêr jêh ri du luh, ƀiălah mpông pêr mâu mra ntĭl ôh êlor măng.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 5:19

Nĕ jêng ndơ ƀư brah chuai nau ƀư tih yorlah păng hŏ geh nau tih jêh tanăp Brah Yêhôva.”

Kan Lêvi 6:6

Ăn păng njŭn leo ma kôranh ƀư brah du mlâm biăp nkuăng mâu têl khap ôh, nhŭp tă bơh ndŭl mpôl biăp, di ma rnoh hŏ veh jêh, gay nhhơr ma Brah Yêhôva ƀư mpa ƀư brah chuai nau ƀư tih.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Malachi 1:7

“Khân may nhhơr piăng let ƀơ̆ ƀơch ta nơng ƀư Brah Gâp, jêh ri lah: ‘Phung hên ntŭk hŏ geh ƀư ƀơ̆ ƀơch ma May?’ Khân may mĭn rvê pô aơ: ‘Nơng bơh Brah Yêhôva jêng ndơ mưch rmot.’

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.