Êsêkiêl 40:3 - Nau Brah Ndu Ngơi 2023

³ Tơlah Păng leo gâp lăp ta nây, gâp saơ du huê bunuyh săk jăn nâm bu du huê bunuyh ma kông. Bunuyh nây dâk ta ndring mpông, ti djôt rse ndrăn mhay jêh ri du mlâm mâng ndăl gay ma veh.

Êsêkiêl 40:3 ပူးပေါင်းရင်းမြစ်များ

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Êsêkiêl 1:27

Gâp saơ ntơm bơh gang bŭt nơm nây hao plơ̆ klơ gâp saơ nâm bu kông lơp rmah, sol ang nâm bu rup chiông ŭch, jêh ri ntơm bơh gang bŭt nơm nây trŭnh tâm dâng, gâp saơ nâm bu rup chiông ŭnh geh nau ang gŭ jŭm păng.

Êsêkiêl 1:7

Jâng khân păng sŏng, mpang jâng nâm bu mpang jâng ndrôk kon nkuăng nchrat ang nâm bu kông chrêk.

Êsêkiêl 41:1

Jêh nây, Bunuyh nây leo gâp lăp tâm trôm ngih brah jêh ri păng veh lĕ meh. Lĕ jrŏng dĭ geh pe met đah aơ pe met đah ri; nây jêng tâm nau dĭ lĕ jrŏng ngih bok rnôk kăl e.

Êsêkiêl 42:16

Bunuyh nây sŏk mâng veh gay veh mpeh luh nar geh bar rhiăng prăm jât met.

Êsêkiêl 43:6

Gâp tăng geh bu ngơi ma gâp tă tâm trôm ngih brah, jêh ri geh du huê bunuyh dâk êp kêng gâp.

Êsêkiêl 47:3

Păng hăn rlet mpeh luh nar, ta ti djôt du njăr rse veh, bunuyh nây veh geh prăm rhiăng met, jêh ri leo gâp re rgăn dak; dak nây jru dah rmăng jâng iăr.

Êsêkiêl 8:2

Nôk nây, gâp saơ du mlâm rup tâm ban ma ŭnh. Tă bơh gang bŭt bunuyh nây rlet pa dâng jêng ŭnh; bi ma ntơm bơh bŭt rlet klơ geh nau nchrat lơp nâm bu kông chrêk.

Nau Tâm Mpơl 1:15

jâng păng nâm bu kông tho chrêk hŏ ƀư kloh jêh tâm ŭnh năk; bâr Păng nâm bu nteh n'gôr âk n'hor dak.

Nau Tâm Mpơl 11:1

Nôk nây bu ăn ma gâp du mâng veh nâm bu mâng jra jêh ri lah pô aơ: “Dâk hom jêh ri veh ngih brah Brah Ndu jêh ri nơng ƀư brah nđâp ma phung bunuyh yơk mbah tâm ntŭk nây.

Nau Tâm Mpơl 21:15

Tông mpăr ngơi đah gâp geh mâng veh jêng mâng jra mah gay ma veh ƀon nây, lĕ mpông jêh ri mpêr ƀon.