Êsêkiêl 40:25 - Nau Brah Ndu Ngơi 2023

²⁵ Nhuang pă năp nây geh âk mpông bloh văr jŭm tâm ban lĕ mpông bloh êng. Nau jong nhuang panăp aơ jêng bar jât prăm met jêh ri dĭ jêng jât bar met n'gul.

Êsêkiêl 40:25 ပူးပေါင်းရင်းမြစ်များ

I Phung Hađăch 7:4

Geh pe mbor mpông bloh, mbor aơ bu ƀư tâm rle panăp ma mbor ri jêng pe mbor.

Êsêkiêl 40:16

Lĕ jrô jêh ri jrŏng păng mpeh ta trôm mpông pêr kŏ tât nhuang panăp geh mpông bloh mbong gre bar da dê. Mpeh tâm trôm jêh ri jŭm nây geh mpông bloh da dê. Ta klơ lĕ jrŏng geh lĕ rup tơm sala.

Êsêkiêl 40:29

Lĕ jrô, lĕ jrŏng jêh ri nhuang panăp păng geh tâm ban nau veh. Mpông pêr jêh ri lĕ nhuang panăp geh mpông bloh văr jŭm. Lĕ nhuang panăp geh nau jong bar jât prăm met jêh ri nau dĭ jêng jât bar met n'gul.

Êsêkiêl 40:33

Đơ jrô, lĕ jrŏng jêh ri lĕ nhuang panăp păng geh nau veh tâm ban lĕ ndơ êng. Mpông pêr aơ jêh ri nhuang panăp geh mpông bloh văr jŭm da dê; lĕ nhuang panăp jong bar jât prăm met, nau dĭ jêng jât bar met n'gul.

Êsêkiêl 41:16

Lĕ ndop mpông, lĕ mpông bloh mbong gre, lĕ nkual văr jŭm pe tăp nây, mpeh panăp ndop mpông, lĕ rngôch ndop mblum văr jŭm ma kađar da dê. Ntơm bơh neh tât mpông bloh jêh ri lĕ mpông bloh geh nkŭm da dê.

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

II Pêtrôs 1:19

Yor ma nau nây, nau mbơh lor hên geh lơ hô ngơi rah vah lơn. Ăn khân may rkêng tôr iăt ma nau aơ nâm bu ŭnh kađen sol ang tâm ntŭk ngo, kŏ tât mpơl nôk nar jêh ri mănh mbing ôi luh tâm nuih n'hâm khân may.