Êsêkiêl 40:2 - Nau Brah Ndu Ngơi 2023

² Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Êsêkiêl 40:2 ပူးပေါင်းရင်းမြစ်များ

I Nau Rêh Jêng 28:12

Păng jao đŏng ma Y-Salômôn lĕ samƀŭt rup Brah Huêng Ueh ăn ma hađăch gĭt ma nhuang ngih Brah Yêhôva, ma lĕ rngôch jrô văr jŭm, ma lĕ jay prăp drăp khlay ngih Brah Ndu, jêh ri ma lĕ jay prăp ndơ kloh ueh;

I Nau Rêh Jêng 28:19

Y-Đavit ngơi: “Lĕ rngôch kan nây bu mra ƀư tĭng nâm samƀŭt rup bơh ti Brah Yêhôva gŭ ta klơ gâp jêh ri sol ang ma gâp ma lĕ rngôch ntil tâm samƀŭt rup.”

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Êsai 14:13

May nơm lah jêh tâm nuih n'hâm pô aơ: “Gâp mra hao ta klơ trôk, Gâp mra n'hao sưng hađăch gâp Prêh lơn ma lĕ mănh mbing Brah Ndu. Gâp mra gŭ ta klơ yôk nau tâm rƀŭn Âk ngai tât ma mpeh pa lơ

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 37:22

Gâp mra ƀư ăn ma khân păng jêng nguay bri dak tâm neh nây ta klơ lĕ yôk Israel, jêh ri knŏng du huê hađăch mra chiă uănh khân păng. Khân păng mâu mra jêng bar bri dak jêh ri mâu geh tâm pă jêng bar bri hađăch đŏng ôh.

Êsêkiêl 41:1

Jêh nây, Bunuyh nây leo gâp lăp tâm trôm ngih brah jêh ri păng veh lĕ meh. Lĕ jrŏng dĭ geh pe met đah aơ pe met đah ri; nây jêng tâm nau dĭ lĕ jrŏng ngih bok rnôk kăl e.

Êsêkiêl 43:12

Aơ yơh jêng nau vay ma ngih brah. Lĕ rngôch n'gor văr jŭm, ta klơ n'gơn yôk jêng ntŭk kloh ueh ngăn. Di yơh, nây jêng nau vay ma ngih brah.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Daniel 7:1

Năm rơh nguay rnôk rô̆ hađăch Belsasar, n'gor bri Babilôn, dôl gŭ bê̆ch ta klơ sưng bê̆ch, Y-Daniel saơ nau mbơi jêh ri nau tâm saơ tâm bôk păng. Păng nchih gay nkoch tay nau mbơi nây.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Kôranh Oh Mon 16:9

Dôl măng, Y-Pôl geh nau saơ pô aơ: Geh du huê bunuyh Masêđôn dâk tanăp păng jêh ri dăn lah pô aơ: “Dăn may rgăn ta n'gor Masêđôn kơl hên!”

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.