Êsêkiêl 40:16 - Nau Brah Ndu Ngơi 2023

¹⁶ Lĕ jrô jêh ri jrŏng păng mpeh ta trôm mpông pêr kŏ tât nhuang panăp geh mpông bloh mbong gre bar da dê. Mpeh tâm trôm jêh ri jŭm nây geh mpông bloh da dê. Ta klơ lĕ jrŏng geh lĕ rup tơm sala.

Êsêkiêl 40:16 ပူးပေါင်းရင်းမြစ်များ

I Phung Hađăch 6:29

Ta klơ lĕ mpir văr jŭm ngih brah, lĕ tâm trôm nđâp padih, Y-Salômôn trah mon geh lĕ rup chêrubim, rup tơm đung jêh ri rup kao dang.

I Phung Hađăch 6:32

Ta klơ bar blah mpông ma tơm ôlive nây, hađăch trah mon lĕ rup chêrubim, rup tơm đung jêh ri rup kao dang, jêh nây mblum ma mah; hađăch mblum lĕ rup chêrubim jêh ri rup tơm đung ma mah pônây đŏng.

I Phung Hađăch 6:35

Y-Salômôn trah mon lĕ rup chêrubim, rup tơm đung jêh ri kao dang, jêh nây mblum ma mah, jêh ri nkŭm ma mah ta lĕ rup trah mon.

I Phung Hađăch 6:4

Hađăch ƀư đŏng lĕ mpông bloh geh ndor năp jêh ri mbong gre ngih brah ma tơm si.

I Phung Hađăch 7:4

Geh pe mbor mpông bloh, mbor aơ bu ƀư tâm rle panăp ma mbor ri jêng pe mbor.

II Nau Rêh Jêng 3:5

Jrô toyh ngih brah păng ƀư ma tơm si sêdar jêh ri mblum ma mah chrêk, nkrơ̆ rup tơm đung jêh ri rse rvăk ta klơ.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Êsêkiêl 40:12

Panăp lĕ jrô, ăp pŭng geh du mlâm mpêr prêh n'gul met, jêh ri ăp jrô rup n'gong tâm ban ăp pŭng pe met.

Êsêkiêl 40:15

Tâm ƀah vah vang mpông pêr lăp jêh ri nhuang panăp mpông pêr tâm trôm jêng bar jât prăm met.

Êsêkiêl 40:25

Nhuang pă năp nây geh âk mpông bloh văr jŭm tâm ban lĕ mpông bloh êng. Nau jong nhuang panăp aơ jêng bar jât prăm met jêh ri dĭ jêng jât bar met n'gul.

Êsêkiêl 40:26

Geh ntung gung pơh mbak gung hao leo mpông pêr jêh ri du mlâm nhuang panăp tâm trôm nây; ta klơ lĕ rngôch bar đah jrŏng geh âk rup tơm sala da dê.

Êsêkiêl 40:29

Lĕ jrô, lĕ jrŏng jêh ri nhuang panăp păng geh tâm ban nau veh. Mpông pêr jêh ri lĕ nhuang panăp geh mpông bloh văr jŭm. Lĕ nhuang panăp geh nau jong bar jât prăm met jêh ri nau dĭ jêng jât bar met n'gul.

Êsêkiêl 40:30

Văr jŭm geh lĕ nhuang panăp, nau jong jât bar met n'gul, nau dĭ bar met n'gul.

Êsêkiêl 40:31

Lĕ ndring panăp mpông pêr tâm tra đah nkual padih geh lĕ rup tơm sala da dê jêng ta klơ lĕ jrŏng păng jêh ri geh ntung gung pham mbak gung gay hao leo klơ.

Êsêkiêl 40:33

Đơ jrô, lĕ jrŏng jêh ri lĕ nhuang panăp păng geh nau veh tâm ban lĕ ndơ êng. Mpông pêr aơ jêh ri nhuang panăp geh mpông bloh văr jŭm da dê; lĕ nhuang panăp jong bar jât prăm met, nau dĭ jêng jât bar met n'gul.

Êsêkiêl 40:34

Lĕ nhuang mpông mpêr aơ tâm tra đah nkual padih geh rup tơm sala da dê jêng ta klơ lĕ jrŏng nây lĕ rngôch bar đah măt jêh ri geh du mlâm ntung gung pham mbak gung gay ma chuat hao.

Êsêkiêl 40:36

Đơ jrô, lĕ jrŏng jêh ri lĕ nhuang păng panăp ăt geh nau veh tâm ban jêh ri geh mpông bloh văr jŭm. Mpông pêr nây geh nau jong bar jât prăm met, dĭ jât bar met n'gul.

Êsêkiêl 40:37

Lĕ jrŏng păng tâm tra đah nkual padih geh rup tơm sala da dê jêng ta klơ lĕ jrŏng nây lĕ rngôch bar đah măt, jêh ri geh du mlâm ntung gung pham mbak gung gay ma chuat hao.

Êsêkiêl 40:7

Ăp jrô jong du bông mâng jêh ri dĭ du bông mâng. Vah vang ăp jrô tâm ƀah bar met n'gul; kađar lăp mpông sâng êp ta nhuang panăp mpông pêr nây huy du bông mâng veh.

Êsêkiêl 41:18

bu kach nsêr rup chêrubim jêh ri lĕ tơm sala; du mlâm tơm play đung jêng ta nklang bar chêrubim. Ăp chêrubim geh bar muh măt:

Êsêkiêl 41:25

Geh rup Chêrubim jêh ri lĕ rup tơm sala kach nsêr ta mpông ngih tâm ban đŏng ta klơ mpir. Geh du ndring ma tơm si panăp nhuang, mpeh padih.

Êsêkiêl 41:26

Ta mpir nhuang panăp jêng mpông bloh mbong gre geh bar đah kach nsêr rup tơm play đung. Lĕ jrô kêng pŭng ngih brah jêh ri chor nkŭm ăt dơi ƀư ueh tâm ban pônây lĕ.

Êsêkiêl 41:3

Păng lăp tâm trôm jêh ri veh lĕ jrŏng mpông lăp jêng du met; nau prêh mpông jêng pe met jêh ri nau huy mpông pe met n'gul.

Êsêkiêl 42:3

Tâm rđĭl đah du ntŭk jât met jêng ntŭk nkual tâm trôm jêh ri du ntŭk tâm tra đah mbon dơi krĭp lŭ jêng ndơ nkual padih, jêng nkual pe tăp.

Yôhan 5:2

Ta ƀon Yêrusalem, dăch mpông Biăp, geh du nglao dak, nau ngơi Hêbrơ rnha jêng Ƀêthehđa. Nglao nây geh prăm đôr mpông.

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.