Êsêkiêl 40:1 - Nau Brah Ndu Ngơi 2023

¹ Năm rơh bar jât ma prăm rnôk he jêng bu nă, ta bôk năm, năng jât khay nây, jêng năm jât ma puăn jêh bu sŏk ƀon toyh Yêrusalem, ăt tâm nar nây lĕ, ti Brah Yêhôva dơm ta klơ gâp jêh ri Păng leo gâp lăp tâm ƀon nây.

Êsêkiêl 40:1 ပူးပေါင်းရင်းမြစ်များ

Nau Ngluh Êjipt 12:3

Ngơi hom ma lĕ rngôch phung Israel tâm rƀŭn pô aơ tâm nar tal jât khay aơ, ăp kôranh ngih vâl nhŭp du mlâm biăp kon, ăp ngih du mlâm biăp.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 40:2

“Ta nar năng nguay tâm khay nguay, ăn may ndâk Ngih Bok, jêng Ngih Bok Nau Tâm Rƀŭn.

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 29:17

Ta năng nguay, khay nguay, năm rơh bar jât ma pơh, geh nau Brah Yêhôva lah ma gâp:

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 3:22

Ta nây, ti Brah Yêhôva dơm ta gâp jêh ri Păng lah ma gâp pô aơ: “Gơnh ndal hom hăn ma ntŭk neh lâng, ta nây Gâp mra lah ma may.”

Êsêkiêl 32:1

Tâm năng nguay, khay jât ma bar, năm rơh jât ma bar, geh nau Brah Yêhôva lah ma gâp:

Êsêkiêl 32:17

Tâm năm rơh jât bar, năng jât prăm tâm khay, geh nau Brah Yêhôva lah ma gâp:

Êsêkiêl 33:21

Tâm năng nguay, khay jât, năm rơh jât bar, pakơi nôk nau bu nhŭp hên hăn ƀư bu nă, geh du huê bunuyh rklaih jêh tă bơh ƀon Yêrusalem văch mbơh ma gâp pô aơ: “Ƀon lĕ bu sŏk jêh!”

Êsêkiêl 37:1

Ti Brah Yêhôva dơm ta gâp; Păng leo gâp luh yor ma Huêng Brah Yêhôva jêh ri dơm gâp ta nklang rlŭng; rlŭng nây bêng ma nting.

Êsêkiêl 8:1

Năm rơh prao, ta năng prăm khay prao, dôl gâp gŭ tâm ngih gâp ndrel ma phung bu ranh Yuđa gŭ panăp, ti Yêhôva Brah Ndu pah ta gâp.

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng