Êsêkiêl 4:3 - Nau Brah Ndu Ngơi 2023

³ Jêh nây sŏk đŏng du plơp loih rlat ƀư mpêr loih rgăn vah vang may đah ƀon, jêh ri rle muh măt may đah păng. Bu mra nchueng păng jêh ri may mra nchueng păng. Nây jêng nau mbên ăn ma ngih Israel.

Êsêkiêl 4:3 ပူးပေါင်းရင်းမြစ်များ

Êsai 20:3

Brah Yêhôva lah tay: “Tâm ban ma oh mon Gâp jêng Y-Êsai hŏ hăn săk hưl jêh ri jâng dơm tâm pe năm jêng du nau tâm mbên jêh ri nau mbơh ma bri Êjipt jêh ri ma bri Kus,

Êsai 22:7

Lĕ rngôch rlŭng ueh lơn ma may bêng ma ndeh seh, Bi phung tahan ncho seh dăp ma nau tâm lơh ta mpông ƀon.

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Yêrêmi 39:1

Khay jât, năm rơh sĭn rnôk rô̆ Y-Sêdêkia, hađăch Yuđa, Y-Nêbukatnetsar, hađăch Babilôn, djôt leo ndrel ma phung tahan hăn văch tâm lơh jêh ri văr jŭm ƀon Yêrusalem.

Yêrêmi 39:2

Ta nar sĭn khay puăn năm rơh jât ma nguay rnôk rô̆ Y-Sêdêkia, ƀon toyh bu lơh rai.

Êsêkiêl 12:11

May lah hom: ‘Gâp jêng nau mbên ma khân may. Khân păng mra mâp nau nâm bu gâp hŏ ƀư jêh; khân păng mra hăn jêng bu nă jêh ri bu krŭng.’

Êsêkiêl 12:6

Tanăp măt khân păng, may ăn ndô ndơ klơ săng nglik jêh ri djôt leo hăn dôl bri măng. May nkŭm lơi muh măt gay lơi hôm may saơ ôh n'gor bri aơ; yorlah Gâp hŏ njêng may ƀư du nau mbên ma ngih Israel.”

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Daniel 11:17

Păng mra mĭn ntrâng hăn tâm lơh ma nau ktang ƀon bri hađăch păng. Păng mra ăn nau tâm rnglăp đah hađăch mpeh pa dâng, ăn kon bu ur păng gŭ ma hađăch aơ gay ƀư rai ƀon bri hađăch păng, ƀiălah nau nây mâu jêng ôh, mâu lĕ jêng khlay ma păng.

Kan Lêvi 2:5

Tơlah khân may sŏk ƀănh gŭch ta klơ mpĭt ƀư ndơ ƀư brah rnih môi pôri ƀănh nây ƀư ma rnih môi mâu geh ndrui pot đah dak ngi,

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.