Êsêkiêl 4:2 - Nau Brah Ndu Ngơi 2023

² Ăn may nchueng lơh ma ƀon nây, ndâk njêng pôih, ƀư mpêr tâm rdâng đah păng; dăp phung tahan nchueng lơh jêh ri nkra mâng ƀư klưh lơi mpêr jŭm ƀon tâm rdâng đah păng.

Êsêkiêl 4:2 ပူးပေါင်းရင်းမြစ်များ

II Samuel 20:15

Lĕ rngôch phung tahan Y-Jôap hăn nchueng jŭm Y-Sêba tâm Abel Bet-Maka. Khân păng n'hao neh ta pĭt mpêr ƀon, tâm tham đah pôih. Jêh nây khân păng mbang chah mpêr ƀon gay kăl lơi păng.

Êsai 22:7

Lĕ rngôch rlŭng ueh lơn ma may bêng ma ndeh seh, Bi phung tahan ncho seh dăp ma nau tâm lơh ta mpông ƀon.

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 33:4

Bi ma ngih vâl tâm ƀon aơ jêh ri ngih hađăch phung Yuđa bu hŏ rơih jêh gay ndâk njêng mpêr king tâm rdâng lĕ pôih nâp jêh ri đah tak đao phung rlăng, pôri Yêhôva, Brah Ndu phung Israel, lah pô aơ:

Yêrêmi 52:4

Ta nar jât khay jât tâm năm rơh sĭn rnôk rô̆ hađăch Sêdêkia, Y-Nêbukatnetsar, hađăch Babilôn, djôt leo lĕ rngôch phung tahan hăn tâm lơh ƀon Yêrusalem. Khân păng ndâk ntŭk tahan gŭ nchueng jêh ri ƀư mpêr tâm lơh văr jŭm ƀon.

Yêrêmi 6:6

Yorlah Brah Yêhôva ma phung tahan lah: “Kăl hom tơm si Jêh ri bât pôih nchueng jŭm Yêrusalem! Aơ jêng ƀon bu mra tâm rmal; Yorlah ta nklang păng bêng âk nau bu tŭn jot.

Êsêkiêl 21:22

Tâm ban lĕ Gâp tap bar đah ti ƀư bah nau Gâp ji nuih. Gâp nơm yơh, Brah Yêhôva, lah pônây.”

Êsêkiêl 21:27

Tâm ti ma hađăch geh ndơ pol ma ƀon Yêrusalem đă sŏk ndơ ƀư rai ƀon, sreh nkhĭt, nter huy rduh tâm lơh, dŏng ndơ ƀư rai ƀon gay ma rduh lơh lăp ta mpông ƀon, n'hao bun neh jêh ri ndâk pôih nchueng jŭm ƀon.

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Daniel 11:15

Hađăch mpeh pa lơ mra văch ndâk pôih jêh ri dơi sŏk du play ƀon nâp. Phung tahan mpeh pa dâng mâu mra hôm dơi tâm rdâng ôh, nđâp ma phung tahan blau ăt mâu hôm geh nau ktang tâm rdâng.