Êsêkiêl 4:16 - Nau Brah Ndu Ngơi 2023

¹⁶ Jêh nây Păng lah tay: “Hơi kon bunuyh, aơ, Gâp mâu ăn ôh piăng let tâm ƀon Yêrusalem, khân păng mra veh piăng let sa tâm nau klach, nhueh dak nhêt tâm nau krit toyh ngăn.

Êsêkiêl 4:16 ပူးပေါင်းရင်းမြစ်များ

II Phung Hađăch 25:3

Ta nar sĭn khay nây, geh nau ji ngot hâu ngăn tâm ƀon jêng knap ngăn kŏ tât mâu geh piăng let sa ma phung ƀon lan tâm n'gor bri.

II Phung Hađăch 6:25

Yorlah ƀon lĕ bu nchueng jŏ nar jêh, pôri ta ƀon Samari tât geh nau ji ngot toyh ngăn kŏ tât du bôk seh bri bu tăch pham jât glo prăk, jêh ri du khăl jê̆ ek sĭm plŭk bu tăch prăm glo prăk.

Nau Mprơ Ơm 105:16

Păng ăn nau ji ngot tât ta n'gor Jêh ri sŏk lơi lĕ ndơ sông sa.

Nau Mprơ Ơm 60:3

May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Yêrêmi 52:6

Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Nau Nhĭm Vơl 1:11

Lĕ rngôch phung ƀon lan păng n'ho hăn dăn ƀănh sa N'ho ma vah vơl; Rgâl lĕ rngôch jay prăp drăp ndơ khlay gay geh ndơ sông sa Gay ƀư ăn mpay ma huêng khân păng. “Ơ Brah Yêhôva dăn uănh hom, Yorlah prêng ngăn ma gâp!”

Nau Nhĭm Vơl 5:4

Phung hên mplơ̆ hom prăk gay geh dak nhêt, Rvăt hom gay geh long sĭnh.

Nau Nhĭm Vơl 5:9

Hên sân săk jăn gay ma geh ƀănh sa, Mâu klach ma đao nkhĭt tâm bri rdah.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 4:15

Păng lah: “Dơi, Gâp mra ăn ma may sŏk ek ndrôk ntrok an ek bunuyh gay gŭch piăng let.”

Êsêkiêl 5:16

Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Amôt 4:8

Yor ri, bu hăn nsong blêng ntơm bơh ƀon toyh aơ tât ƀon toyh ri gay joi dak nhêt Ƀiălah joi mâu tŏng ôh dak ma nhêt. Ƀiălah khân may mâu plơ̆ sĭt ôh ma Gâp” Brah Yêhôva lah pônây.

Nau Tâm Mpơl 6:5

Tơlah Kon Biăp pơk tâp pŏng rơh pe, gâp tăng mpa rêh rơh pe lah: “Văch hom!” Gâp uănh, ri, geh du mlâm seh krăk. Nơm ncho seh djôt njing tâm ti păng.