Êsêkiêl 4:14 - Nau Brah Ndu Ngơi 2023

¹⁴ Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Êsêkiêl 4:14 ပူးပေါင်းရင်းမြစ်များ

Nau Ngluh Êjipt 22:30

Ăn khân may ƀư kơt nĕ đŏng ma biăp jêh ri ndrôk khân may. Ăn hom kon dak bôk gŭ ndrel me păng tâm pơh nar, tât ta nar tal pham khân may mra nhhơr păng ma Gâp.

Nau Ngluh Êjipt 22:31

Phung khân may jêng bunuyh kloh ueh ma Gâp, yor nây mâu dơi sa ôh puăch mpa tă mpô mpa bri sa hêk tâm mir, ăn may mƀăr păng ma so sa.

Êsai 65:4

Gŭ tâm ntŭk môch Gŭ lĕ măng tâm ntŭk ndâp Gay sa puăch sŭr, Prăp dak gâm puăch ƀơ̆ tâm ngan khân păng.

Êsai 66:17

Phung prăp ƀư kloh khân păng nơm lăp tâm lĕ đang trao yơk mbah rup brah ta nklang đang trao, sa puăch sŭr, puăch đe jêh ri lĕ ndơ ƀơ̆ ƀơch êng, mra khĭt ndrel n'grŭp,” Brah Yêhôva lah pônây.

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Êsêkiêl 4:15

Păng lah: “Dơi, Gâp mra ăn ma may sŏk ek ndrôk ntrok an ek bunuyh gay gŭch piăng let.”

Êsêkiêl 44:31

Phung kôranh ƀư brah mâu dơi sa ôh puăch du ntil mpô mpa, nđâp lah sĭm och mâu lah mpô mpa khĭt êng mâu lah mpô mpa geh bu kăp hêk.”

Êsêkiêl 9:8

Dôl khân păng lơh nkhĭt gâp gŭ êng du huê. Gâp păn muh măt jêh ri kuăl nter pô aơ: “Ơ Yêhôva Brah Ndu! May ŭch nkhŭt nau ji nuih tâm ƀon Yêrusalem gay ƀư rai lơi lĕ rngôch phung hôm klen ta ƀon Israel mâm ƀư?”

Daniel 1:8

Ƀiălah Y-Daniel ton tâm nuih n'hâm mâu ăn ƀơ̆ ôh păng nơm yor ndơ sông sa kah hađăch sa jêh ri ndrănh hađăch nhêt, yor nây dăn ma kôranh chiă uănh phung kôranh bu char lơi ta ƀư ƀơ̆ khân păng ôh.

Kan Lêvi 17:15

Mbu nơm, nđâp lah jêng phung ƀon tơm mâu lah bunuyh gŭ njưh, sa puăch du mlâm mpa khĭt êng mâu lah khĭt yor mpa bri janh sa hêk, ăn pih lơi kho ao, ŭm tâm dak jêh ri jêng ƀơ̆ ƀơch tât kêng măng jêh nây mra dơi geh nau kloh tay.

Kan Lêvi 19:7

Tơlah chuat tât nar tal pe jêh, ƀiălah ăt geh bunuyh hôm sa ndơ nây, nĕ jêng nau ƀơ̆ ƀơch, Păng mâu mra dơn ôh.

Kan Lêvi 22:8

Păng mâu dơi ôh sa puăch mpô mpa khĭt mâu lah mpa bri janh hêk sa, gay bah ƀư ƀơ̆ păng nơm. Gâp jêng Brah Yêhôva.

Kôranh Oh Mon 10:14

Ƀiălah Y-Pêtrôs ơh: “Ơ Kôranh Brah, mâu dơi! Yorlah gâp mâu mâp sa ôh mpa ƀơ̆ mâu lah mâu kloh.”

Nau Vay Nkah Tay 14:21

Lơi ta sa ôh puăch du mlâm mpa lĕ khĭt jêh. Khân may dơi djôt păng ma phung bu năch gŭ tâm ƀon toyh khân may, gay ăn khân păng sa, mâu lah khân may dơi tăch păng ma phung bu năch. Yorlah khân may jêng du phung ƀon lan kloh ueh ma Yêhôva Brah Ndu khân may. Lơi ôh gâm puăch be kon tâm dak toh me păng.”

Nau Vay Nkah Tay 14:3

Khân may mâu dơi sa ôh du ntil ndơ geh nau tâm rmot.