Êsêkiêl 39:9 - Nau Brah Ndu Ngơi 2023

⁹ Rnôk nây, phung gŭ tâm ăp ƀon Israel mra hăn luh gay su ndơ jêh ri jao ma ŭnh lĕ ndơ dŏng tâm lơh, khêl toyh jêh ri khêl jê̆, na jêh ri hăr, tak jêh ri jôih. Khân păng mra djôt sĭnh ŭnh lĕ ndơ nây tâm pơh năm.

Êsêkiêl 39:9 ပူးပေါင်းရင်းမြစ်များ

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Êsêkiêl 39:10

Khân păng mâu ŭch joi long tâm mir, mâu chôk long tâm krŏng, yorlah khân păng sŏk ndơ tâm lơh prăp sĭnh ŭnh. Khân păng mra tŭn jot phung lĕ tă tŭn jot khân păng jêh ri pit in phung hŏ tă pit in khân păng, Kôranh Brah Yêhôva lah pônây.

Êsêkiêl 39:8

Aơ, nau nây mra tât jêh ri mra geh tât ngăn, Kôranh Brah Yêhôva lah pônây. Nây jêng nar Gâp hŏ mbơh jêh!

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Malachi 1:5

Măt khân may mra saơ, jêh ri khân may mra lah: “Brah Yêhôva dŭt toyh ngăn, lĕ rlau padih n'har bri Israel!”

Yôsuê 11:6

Ƀiălah Brah Yêhôva lah ma Y-Yôsuê: “Lơi klach ôh, yorlah nar ôi aơ ta mông aơ, Gâp mra jao lĕ rngôch khân păng tâm ti phung Israel nkhĭt khân păng. Khân may mra koh jâng jon seh jêh ri su lĕ ndeh seh khân păng ma ŭnh.”