Êsêkiêl 39:7 - Nau Brah Ndu Ngơi 2023

⁷ Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Êsêkiêl 39:7 ပူးပေါင်းရင်းမြစ်များ

Nau Mprơ Ơm 103:1

Ơ huêng gâp, tâm rnê hom ma Brah Yêhôva! Lĕ ntil ndơ gŭ tâm gâp, Mprơ tâm rnê hom ma amoh kloh ueh Păng!

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 45:11

Brah Yêhôva, Nơm Kloh Ueh Israel, Jêng Nơm hŏ njêng Israel, lah pô aơ: “Ôp hom Gâp moh nau mra tât kăndơ̆; Ôp hom Gâp ma lĕ phung kon Gâp, Jêh ri lĕ ma kan ti Gâp.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Êsêkiêl 36:23

Gâp mra ƀư ăn kloh amoh dŭt toyh Gâp, jêng amoh bu hŏ ƀư ƀơ̆ jêh ta nklang lĕ phung ƀon lan; n'hêl nanê̆, ta nklang lĕ phung ƀon lan, khân may ƀư ƀơ̆ amoh nây. Kôranh Brah Yêhôva lah: Tâm ban pônây, lĕ ntil mpôl bunuyh mra gĭt Gâp jêng Brah Yêhôva tơlah Gâp tâm mpơl tra năp măt khân păng nau kloh ueh tâm amoh Gâp rgăn ta khân may.

Êsêkiêl 36:36

Rnôk nây, phung mpôl băl bunuyh hôm e klen văr jŭm khân may mra gĭt Gâp, Brah Yêhôva, hŏ ndâk njêng tay ntŭk rai jêh jêh ri tăm tay ta ntŭk ƀư rai. Gâp, Brah Yêhôva, hŏ lah, jêh ri mra ƀư nau nây.’

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Êsêkiêl 39:22

Ntơm bơh nar nây tât kăndơ̆, ngih Israel mra gĭt Gâp jêng Yêhôva Brah Ndu khân păng.

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Êsêkiêl 39:8

Aơ, nau nây mra tât jêh ri mra geh tât ngăn, Kôranh Brah Yêhôva lah pônây. Nây jêng nar Gâp hŏ mbơh jêh!

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.