Êsêkiêl 39:23 - Nau Brah Ndu Ngơi 2023

²³ Rnôk nây, lĕ ntil mpôl bunuyh mra gĭt ma ngih Israel hŏ leo hăn ƀư bu nă yor nau tih khân păng, yorlah păng hŏ ƀư tih tâm rdâng đah Gâp. Yor nây yơh Gâp pôn lơi muh măt Gâp đah khân păng, jao khân păng tâm ti phung rlăng jêh ri lĕ rngôch khân păng hŏ chôt khĭt ma đao.

Êsêkiêl 39:23 ပူးပေါင်းရင်းမြစ်များ

Êsai 59:2

Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Êsai 42:24

Mbu nơm jao jêh phung Yakôb tâm nau ntŭng ndô ndơ, Jêh ri jao phung Israel ma phung pit sŏk? Mâu di hĕ jêng Brah Yêhôva, jêng Nơm phung he hŏ ƀư nau tâm rdâng đah Păng? Yorlah mâu geh nơm ŭch hăn tĭng trong Păng, Mâu lĕ khân păng tông ma nau vay Păng.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Êsêkiêl 36:36

Rnôk nây, phung mpôl băl bunuyh hôm e klen văr jŭm khân may mra gĭt Gâp, Brah Yêhôva, hŏ ndâk njêng tay ntŭk rai jêh jêh ri tăm tay ta ntŭk ƀư rai. Gâp, Brah Yêhôva, hŏ lah, jêh ri mra ƀư nau nây.’

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Yêrêmi 33:5

‘Dôl tâm lơh ma phung tahan Kaldê, ngih vâl aơ mra bêng ma bunuyh khĭt ma phung Gâp hŏ nkhĭt tâm nau duh nuih jêh ri ji nuih; yorlah ƀon lan aơ janh ƀai ngăn Gâp pôn jêh muh măt tă ƀon nây.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Nau Mprơ Ơm 106:41

Păng jao khân păng tâm ti phung bu năch, Jêh ri phung tâm rmot ma khân păng chiă uănh khân păng.

Nau Mprơ Ơm 30:7

Ơ Brah Yêhôva, yor nau yô̆ May, Yôk gâp dơi ndâk nâp. Ƀiălah dôl May pôn măt, Pôri gâp geh nau rŭng răng ro.

Nau Mprơ Ơm 10:1

Ơ Brah Yêhôva! Mâm ƀư May gŭ ngai? Mâm ƀư May pôn muh măt tâm rnôk geh nau rêh ni?

Phung Kôranh Phat Dôih 3:8

Yor ri, Brah Yêhôva hao ji nuih ma phung Israel, Păng jao khân păng tâm ti Y-Kusan-Risathaim, hađăch Aram Naharadim. Ăn phung ƀon lan Israel pah kan Y-Kusan-Risathaim tâm pham năm.

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Êsêkiêl 7:22

Gâp mra rle muh măt ma khân păng, khân păng mra ƀư ƀơ̆ lơi ntŭk kloh ueh Gâp; phung ntŭng mra lăp ta nây jêh ri ƀư ƀơ̆ păng.

Êsêkiêl 20:27

Yor ri, hơi kon bunuyh, ngơi hom ma ngih Israel jêh ri lah ma khân păng: ‘Kôranh Brah Yêhôva lah: Phung chô yau khân may ngơi sưr jêh ma Gâp yorlah khân păng mâu răp jăp đah Gâp.

Êsra 9:7

Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.