Êsêkiêl 39:18 - Nau Brah Ndu Ngơi 2023

¹⁸ Khân may mra sa puăch phung janh ktang, nhêt mham phung kôranh chiă uănh tâm neh ntu, phung biăp nkuăng, biăp kon, be nkuăng, ndrôk nkuăng lay bri Basan.

Êsêkiêl 39:18 ပူးပေါင်းရင်းမြစ်များ

Nau Mprơ Ơm 22:12

Geh âk ndrôk nkuăng nchueng jŭm gâp. Lĕ ndrôk nkuăng lay ktang tă bơh Basan nchueng jŭm gâp.

Nau Mprơ Ơm 68:30

Nduyh lah ma mpa bri rêh gŭ tâm rpho treng, Nduyh lah ma phung ndrôk nkuăng ndrel lĕ ndrôk kon phung ƀon lan Kŏ tât khân păng chon kômâk jêh ri nhhơr lĕ rlay prăk. Dăn May ƀư rai lơi phung mpôl băl bunuyh ŭch ma nau tâm lơh.

Êsai 34:6

Đao Brah Yêhôva krêp bêng ma mham, jêh ri ngi, Jêng mham kon biăp jêh ri be nkuăng, Ngi mlâm leh biăp nkuăng. Yorlah geh nau nhhơr mpa ƀư brah ma Brah Yêhôva ta ƀon Bôsra, Nau tâm nkhĭt toyh tâm bri Êđôm

Êsai 34:7

Ndrôk bri, kon ndrôk jêh ri ndrôk nkuăng Cha lôt ndrel ma khân păng da dê; Bri khân păng mra nhŭl yor mham, Neh muy khân păng krêp bêng ngi lay.

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 50:11

“Ơ phung ntŭng drăp ndơn Gâp, Yorlah khân may răm maak hâk răm, Nchuăt blă blơ ta lô̆ săk nâm bu ndrôk rah tâm nhuang plên ba, Nter huy nâm bu seh nkuăng găr me,

Yêrêmi 50:27

Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!

Yêrêmi 51:40

“Gâp mra njŭn khân păng tât ma ntŭk bu sreh nkhĭt, Nâm bu kon biăp, biăp nkuăng jêh ri be nkuăng.

Êsêkiêl 29:5

Gâp mra klŭp may mŭt tâm bri rdah, May jêh ri lĕ rngôch ka tâm lĕ dak krong may. May mra cha lôt ta klơ ndrêch gơ̆ hŏng, Bu mâu mra dônh mâu lah rgum tay. Gâp mra jao may ƀư mpa sông sa Ăn ma mpô mpa tâm dâng neh jêh ri phung sĭm ta klơ trôk.

Êsêkiêl 34:17

Kôranh Brah Yêhôva lah: ‘Bi ma may jêng phung ndrăng biăp Gâp, aơ, Gâp mra phat dôih ndrăng phung biăp jêh ri phung biăp, nkuăng ma be nkuăng.

Êsêkiêl 34:8

Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mra mrăng, yorlah mâu geh bunuyh rmăk leo rĭ dĭng phung biăp Gâp hŏ ƀư mpa sa jêh ri hŏ jêng ndơ sa ma lĕ rngôch ntil mpô mpa bri. Phung rmăk biăp Gâp ăt mâu lĕ ŭch joi biăp Gâp, ƀiălah khân păng siăm êng khân păng nơm ƀiălah mâu ŭch ôh siăm phung biăp Gâp.’

Êsêkiêl 39:19

Khân may mra sa ngi ăn hơm, nhêt mham ăn nhŭl tă bơh mpa ƀư brah Gâp nkhĭt jêh ăn khân may.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

Nau Tâm Mpơl 19:21

Phung bunuyh hôm e ƀaƀă, khĭt da dê đah đao gưm luh tă bơh trôm mbung Nơm ncho seh; lĕ rngôch phung sĭm sa puăch khân păng hơm bêng da dê.