Êsêkiêl 39:10 - Nau Brah Ndu Ngơi 2023

¹⁰ Khân păng mâu ŭch joi long tâm mir, mâu chôk long tâm krŏng, yorlah khân păng sŏk ndơ tâm lơh prăp sĭnh ŭnh. Khân păng mra tŭn jot phung lĕ tă tŭn jot khân păng jêh ri pit in phung hŏ tă pit in khân păng, Kôranh Brah Yêhôva lah pônây.

Êsêkiêl 39:10 ပူးပေါင်းရင်းမြစ်များ

Nau Ngluh Êjipt 12:36

Brah Yêhôva ƀư ma phung ƀon lan geh nau yô̆ tanăp măt phung Êjipt, yor ri khân păng ăn tĭng nâm ndơ phung Israel dăn. Kơt nây, phung Israel pit sŏk drăp ndơ phung Êjipt.

Nau Ngluh Êjipt 3:22

Ƀiălah ăp nơm bu ur mra dăn ma phung chiau meng păng jêh ri ma phung bu ur gŭ njưh tâm ngih păng nơm ăn ăp ntil ndơ khlay ma mah, ma prăk jêh ri kho ao, jêh nây khân may nsoh ăn phung kon bu klâu kon bu ur khân may. Pôri mơ, khân may mra pit sŏk drăp ndơ phung Êjipt.”

Êsai 14:2

Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsêkiêl 39:11

Tâm nar nây, Gâp mra ăn Y-Gôk du ntŭk ƀư môch tâp ta Israel tâm rlŭng ma phung bu năch hăn nsong mpeh pa luh nar dak mƀŭt. Môch tâp nây mra king lơi trong phung bu năch hăn nsong. Yorlah ta ntŭk nây bu mra tâp Y-Gôk jêh ri lĕ rngôch phung âk ndrel păng. Bu mra ntơ ntŭk nây rlŭng Hamôn Gôk.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Habakuk 2:8

Yorlah may hŏ pit in jêh ndô ndơ âk bri dak ƀaƀă Yor ri lĕ rngôch bơh phung ƀon lan hôm e mra pit in ndơ may, Yorlah may hŏ ƀư pling jêh mham bunuyh, Jêh ri yor nau may ƀư mhĭk hŏ ƀư jêh ma bri neh, Ma ƀon toyh jêh ri ma lĕ rngôch phung gŭ tâm păng.

Habakuk 3:8

Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?

Sakari 14:14

Nđâp ma phung Yuđa đŏng tâm lơh ta ƀon Yêrusalem, jêh ri mra sŏk lĕ rngôch drăp ndơ phung mpôl bunuyh chiau meng, geh mah, prăk jêh ri phung ao jâr âk ngăn.

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.

Nau Tâm Mpơl 18:6

Mplơ̆ lơi ma păng nâm bu păng hŏ ƀư ma bu, Mplơ̆ sĭt ma păng bar tơ̆ lĕ kan păng ƀư jêh. Rlŭk hom ma păng bar tơ̆ kachok păng rlŭk jêh.