Êsêkiêl 38:9 - Nau Brah Ndu Ngơi 2023

⁹ May jêh ri nđâp ma phung tahan may ndrel ma phung mpôl băl bunuyh gŭ ndrel may mra rduh ran panăp, rduh lơh nâm bu phŭt chuănh, nâm bu ndâr tŭk nkŭm lam bri neh.’”

Êsêkiêl 38:9 ပူးပေါင်းရင်းမြစ်များ

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 28:2

Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Êsêkiêl 13:11

Lah hom ma phung mhĭng klo nglang mpêr nây mra rlâm. Dak mih toyh mra tât. Hơi dak mih pler toyh, may mra tŭp jêh ri phŭt chuănh ktang mra hêk sat mpêr nây!

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Nau Tâm Mpơl 20:9

Khân păng hăn bra pru pra lam neh ntu, nchueng jŭm ntŭk phung kloh ueh gŭ jêh ri ƀon bu rŏng ngăn ngên. Ƀiălah ŭnh tă bơh trôk jŭr jêh ri su rai khân păng.