Êsêkiêl 38:6 - Nau Brah Ndu Ngơi 2023

⁶ Gômer jêh ri lĕ rngôch phung tahan păng; Bet-Tôgarma tă bơh n'har bri pa lơ ndrel ma lĕ rngôch phung tahan păng, nây jêng âk phung ƀon lan gŭ ndrel may.

Êsêkiêl 38:6 ပူးပေါင်းရင်းမြစ်များ

Êsêkiêl 27:14

Phung Bet-Tôgarma djôt seh, seh tâm lơh, seh bri, gay tâm rgâl đah ndô ndơ may tăch.

Êsêkiêl 32:30

Ta nây tâm ban lĕ geh lĕ rngôch phung kôranh gŭ mpeh pa lơ, jêh ri lĕ rngôch phung ƀon lan Sidôn hăn trŭnh da dê ndrel phung bu nkhĭt, nđâp lah khân păng hŏ dŏng janh ktang ăn bu krit toyh. Khân păng lâng bê̆ch nâm bu phung mâu hŏ koh ntâu ndrel phung bu nkhĭt ma đao; khân păng bêk prêng ndrel ma phung trŭnh tâm trôm ntu jru.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.