Êsêkiêl 38:4 - Nau Brah Ndu Ngơi 2023

⁴ Gâp mra plăch may, dơm nglĕ nklĕ ta kang may jêh ri njŭn may hăn tâm lơh ndrel ma lĕ rngôch phung tahan may, seh nđâp ma phung tahan ncho seh, lĕ rngôch nsoh ao loih jêh ri rnglăp ƀư jêng du phung tahan âk ngăn. Lĕ rngôch khân păng cheng âk khêl toyh, khêl jê̆ jêh ri djôt đao da dê.

Êsêkiêl 38:4 ပူးပေါင်းရင်းမြစ်များ

II Phung Hađăch 19:28

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp, Pôri Gâp nklĕ ndar ta trôm muh may, Dơm kang thao tâm trôm mbung may. Gâp mra ƀư ăn ma may plơ̆ sĭt Tĭng trong may hŏ văch jêh.’

I Nau Rêh Jêng 12:8

Tâm ndŭl mpôl Gat, geh phung hăn gŭ mpeh Y-Đavit ta pôih tâm bri rdah. Khân păng jêng phung janh ktang, blau nau tâm lơh, blau djôt khêl jêh ri rjăng tak; muh măt khân păng nâm bu muh măt yau mŭr, khân păng nchuăt prăl nâm bu yơng ta klơ yôk.

II Nau Rêh Jêng 25:5

Y-Amasia tâm rƀŭn phung Yuđa, tĭng ndŭl mpôl tâm chô yau Yuđa jêh ri Benjamin, jêh ri njêng phung kôranh chiă uănh toyh ma du rbăn nuyh tahan jêh ri du rhiăng nuyh tahan. Păng kơp rnoh bunuyh ntơm bơh bar jât năm leo klơ, geh lĕ rngôch pe rsen nuyh, dơi djôt tak jêh ri khêl hăn tâm lơh.

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 43:17

Nơm ƀư ndeh seh jêh ri seh, Phung tahan jêh ri phung tahan janh ktang Khân păng tŭp ndrel cha lôt tŭp, mâu hôm dơi dâk ôh; Khân păng bu buh nchah, tâm ban ma bu buh nhhât brai ŭnh kađen; Nơm nĕ lah:

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

Êsêkiêl 23:12

Păng rŏng ma phung Asiri, phung kôranh tahan jêh ri phung kôranh chiă uănh, jêng phung chiau meng păng; khân păng nkrơ̆ nsoh ăp ntil kho ao, rŏng ncho seh, lĕ rngôch jêng bu klâu ueh.

Êsêkiêl 29:4

Gâp mra dơm lĕ nglĕ nklĕ ta bar kang may, Jêh ri ƀư ma ka tâm lĕ dak krong may mra krêp ta rsiap may. Gâp mra đŏt may luh du tă bơh lĕ dak krong may, Ndrel ma lĕ rngôch ka tâm lĕ dak krong Hŏ krêp jêh ta rsiap may đŏng.

Êsêkiêl 38:15

Rnôk nây, may mra văch tât tă bơh ntŭk may nơm gŭ jêng n'gor ngai mpeh pa lơ, may jêh ri âk phung ƀon lan gŭ ndrel may, lĕ rngôch ncho seh da dê, du mpôl bunuyh âk ngăn rgum jêng du phung tahan janh ktang.

Êsêkiêl 38:3

May lah hom pô aơ Kôranh Brah Yêhôva lah: ‘Hơi Y-Gôk, hađăch ma phung Rôs, phung Mêsek jêh ri phung Tubal, aơ, Gâp tâm rdâng đah may.

Êsêkiêl 39:2

Gâp mra plăch rlơ̆ may. Gâp mra leo may hăn du luh jêh ri ăn may tât tă bơh n'gor ngai mpeh pa lơ, jêh ri njŭn may hao rlet klơ lĕ yôk Israel.

Êsêkiêl 39:20

Ta sưng sông Gâp, khân may mra sa hơm puăch seh jêh ri puăch phung ncho seh, puăch phung janh ktang jêh ri ăp ntil phung tahan tâm lơh,’ Kôranh Brah Yêhôva lah pônây.”

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Amôt 4:2

Kôranh Brah Yêhôva hŏ dŏng nau kloh ueh Păng sơm ton pô aơ: “Mông nar mra tât ma khân may, Bu mra djôt nglĕ nklĕ nhŭp khân may, Dŏng nglĕ ndar gay nhŭp phung hôm gŭ rêh klen tâm phung khân may.