Êsêkiêl 38:3 - Nau Brah Ndu Ngơi 2023

³ May lah hom pô aơ Kôranh Brah Yêhôva lah: ‘Hơi Y-Gôk, hađăch ma phung Rôs, phung Mêsek jêh ri phung Tubal, aơ, Gâp tâm rdâng đah may.

Êsêkiêl 38:3 ပူးပေါင်းရင်းမြစ်များ

Nau Mprơ Ơm 120:5

Rêh ni ngăn ma gâp! Yor gâp gŭ ta neh Mêsek Jêh ri gŭ tâm dâng lĕ vâl bok n'gor Kêdar!

Êsêkiêl 13:8

Yor ri, Kôranh Brah Yêhôva lah: ‘Yorlah khân may ngơi lĕ nau dơm dam, saơ jêh nau mƀruh yor nây Gâp tâm rdâng đah khân may,’ Kôranh Brah Yêhôva lah pônây.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 32:26

Ta nây geh phung Mêsek, phung Tubal jêh ri lĕ rngôch ƀon lan păng; môch phung nây gŭ văr jŭm khân păng. Lĕ rngôch jêng phung mâu hŏ dơn koh ntâu bu hŏ nkhĭt jêh yor ma đao, yorlah khân păng srih nau krit toyh tâm bri dak phung hôm rêh.

Êsêkiêl 35:3

Lah hom ma khân păng, Kôranh Brah Yêhôva lah: ‘Hơi yôk Sêir, Aơ, Gâp tâm rdâng đah may! Gâp mra yơr ti tâm rdâng đah may, ƀư ăn may jêng rngot njăp, ntŭk rngol.

Êsêkiêl 38:2

“Hơi kon bunuyh, rle hom muh măt may mpeh ma Y-Gôk tâm bri Magôk jêng hađăch ma phung Rôs, phung Mêsek jêh ri phung Tubal mbơh lor tâm rdâng đah păng.

Êsêkiêl 38:4

Gâp mra plăch may, dơm nglĕ nklĕ ta kang may jêh ri njŭn may hăn tâm lơh ndrel ma lĕ rngôch phung tahan may, seh nđâp ma phung tahan ncho seh, lĕ rngôch nsoh ao loih jêh ri rnglăp ƀư jêng du phung tahan âk ngăn. Lĕ rngôch khân păng cheng âk khêl toyh, khêl jê̆ jêh ri djôt đao da dê.