Êsêkiêl 38:22 - Nau Brah Ndu Ngơi 2023

²² Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Êsêkiêl 38:22 ပူးပေါင်းရင်းမြစ်များ

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 34:3

Đơ bunuyh khân păng khĭt bu mra mƀăr padih, Săk jăn khĭt n'hôl ƀâu ôm; Mham khân păng hoch bêng klơ yôk.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yêrêmi 25:31

Nau ngrông ngloh mra tât nglĕ dŭt rplay neh; Yorlah Brah Yêhôva tâm rdâng đah lĕ rngôch bri dak, Phat dôih lĕ rngôch nglay săk, Jao phung mhĭk ăn ma đao,’ Brah Yêhôva lah pônây.

Êsêkiêl 13:11

Lah hom ma phung mhĭng klo nglang mpêr nây mra rlâm. Dak mih toyh mra tât. Hơi dak mih pler toyh, may mra tŭp jêh ri phŭt chuănh ktang mra hêk sat mpêr nây!

Êsêkiêl 28:23

Gâp mra njuăl nau ji tưp tât tâm ƀon, Jêh ri nau pling mham tâm lĕ trong sâng păng. Đơ phung rmanh mra cha lôt ta nklang păng, Yor ma đao tă bơh puăn mpeh mra rduh leo păng. Nôk nây, khân păng mra gĭt yơh Gâp jêng Brah Yêhôva.

Êsêkiêl 39:6

‘Rnôk aơ, Gâp mra njuăl ŭnh tŭp ma bri Magôk jêh ri ma phung gŭ nau mpăn tâm lĕ gôl dak mƀŭt jêh ri khân păng mra gĭt Gâp jêng Brah Yêhôva.

Êsêkiêl 5:17

Gâp mra nkhŭt nau sa sât ji ngot tât ma khân may jêh ri njuăl mpô mpa bri sa hêk phung kon khân may. Nau ji tưp jêh ri nau pling mham mra tât ma ta nklang khân may, jêh ri Gâp mra dŏng tak đao tât đŏng ma khân may. Gâp yơh jêng Brah Yêhôva hŏ lah jêh pônây!”

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Mathay 7:27

Geh mih, dak lêng lip tât, sial khôm ktang mra ƀư ma ngih nây rlâm, roh rai âk ngăn.”

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.

Nau Tâm Mpơl 20:9

Khân păng hăn bra pru pra lam neh ntu, nchueng jŭm ntŭk phung kloh ueh gŭ jêh ri ƀon bu rŏng ngăn ngên. Ƀiălah ŭnh tă bơh trôk jŭr jêh ri su rai khân păng.

Nau Tâm Mpơl 8:7

Tông mpăr tal nguay uh nŭng, geh mih pler jêh ri ŭnh tâm pot đah mham nkhŭt tâm neh ntu. Du kô̆ tâm pe neh ntu ŭnh sa, du kô̆ tâm pe tơm si ŭnh sa, jêh ri lĕ rngôch gơ̆ nđĭr ŭnh sa lĕ.