Êsêkiêl 38:21 - Nau Brah Ndu Ngơi 2023

²¹ Kôranh Brah Yêhôva lah: ‘Gâp mra kuăl đao tât tâm rdâng đah Y-Gôk ta klơ lĕ rngôch yôk Gâp. Ăp nơm mra plăch đao tâm rdâng đah oh nâu khân păng nơm.

Êsêkiêl 38:21 ပူးပေါင်းရင်းမြစ်များ

II Nau Rêh Jêng 20:23

Phung Ammôn jêh ri phung Môap dâk tâm lơh đah phung gŭ ta klơ yôk Sêir jêh ri ƀư rai lĕ khân păng. Lah ƀư rai jêh phung tahan gŭ ta Sêir, khân păng plơ̆ sĭt tâm ntâp nkhĭt ndrăng khân păng nơm.

Nau Mprơ Ơm 105:16

Păng ăn nau ji ngot tât ta n'gor Jêh ri sŏk lơi lĕ ndơ sông sa.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Êsêkiêl 14:17

Mâu lah tơlah Gâp ăn đao văch tât ta bri nây, jêh ri lah: ‘Đao mra rgăn ta bri nây jêh ri Gâp mra ƀư rai lơi bunuyh jêh ri mpô mpa tâm nây,’

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 14:13

Tâm nar nây, Brah Yêhôva mra ƀư nau rŭng răng toyh tâm khân păng; pôri ăp nơm mra kuăn phung chiau meng păng, jêh ri khân păng tâm lơh ndrăng khân păng nơm.

Phung Kôranh Phat Dôih 7:22

Tâm nôk pe rhiăng phung uh nŭng, Brah Yêhôva ƀư ăn phung rlăng tâm lam rmlak tahan ăn đao ăp nơm tâm ntâp nkhĭt ndrăng băl păng nơm, jêh nây nchuăt du tât ta ƀon Bet-Sita, mpeh n'gor Sêrêra, kŏ tât ta n'har Abel-Mêhôla dăch Tabat.

I Samuel 14:20

Jêh nây Y-Sôl jêh ri lĕ rngôch phung tahan gŭ ndrel ma păng rgum băl jêh ri hăn tât ntŭk tâm lơh. Ri, khân păng saơ phung Philistin rŭng răng toyh ngăn, tŏk đao gay ntâp nkhĭt ndrăng băl păng nơm.