Êsêkiêl 38:16 - Nau Brah Ndu Ngơi 2023

¹⁶ Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 38:16 ပူးပေါင်းရင်းမြစ်များ

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

Nau Ngluh Êjipt 14:18

Lah Gâp geh nau tâm rnê yor Pharaôn, ndeh seh păng, jêh ri phung tahan ncho seh păng, ri mơ phung Êjipt mra gĭt ma Gâp jêng Brah Yêhôva.”

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 5:16

Ƀiălah Brah Yêhôva ma phung tahan geh nau n'hao tâm nau phat dôih, Brah Ndu jêng Nơm Kloh Ueh mra tâm mpơl Păng jêng nơm kloh ueh tâm nau sŏng srăng.

Êsai 8:13

Ƀiălah ăn khân may klach yơk Brah Yêhôva ma phung tahan jêng kloh ueh. Păng nơm jêng Nơm khân may klach yơk jêh ri râm nsâr.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Êsêkiêl 28:22

May ngơi hom: Kôranh Brah Yêhôva lah: ‘Hơi ƀon Sidôn, aơ Gâp tâm rdâng đah may; Gâp ŭch ƀư ang amoh Gâp ta nklang may. Khân păng mra gĭt Gâp jêng Brah Yêhôva Tơlah Gâp mra ƀư nau phat dôih, Jêh ri mpơl nau kloh ueh Gâp ta nklang păng.

Êsêkiêl 36:23

Gâp mra ƀư ăn kloh amoh dŭt toyh Gâp, jêng amoh bu hŏ ƀư ƀơ̆ jêh ta nklang lĕ phung ƀon lan; n'hêl nanê̆, ta nklang lĕ phung ƀon lan, khân may ƀư ƀơ̆ amoh nây. Kôranh Brah Yêhôva lah: Tâm ban pônây, lĕ ntil mpôl bunuyh mra gĭt Gâp jêng Brah Yêhôva tơlah Gâp tâm mpơl tra năp măt khân păng nau kloh ueh tâm amoh Gâp rgăn ta khân may.

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Êsêkiêl 39:21

“Gâp mra mpơl nau chrêk rmah Gâp tâm lĕ bri dak; lĕ rngôch ntil mpôl bunuyh mra saơ nau Gâp phat dôih jêh ri dơm ti Gâp ta klơ khân păng.

Êsêkiêl 39:27

Tơlah Gâp lĕ njŭn khân păng sĭt tă bơh ta nklang phung ƀon lan êng jêh ri tâm rgum tay khân păng tă bơh bri phung rlăng khân păng, pôri Gâp mra mpơl nau kloh ueh Gâp yor tă khân păng tanăp măt âk bri dak.

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Daniel 10:14

Aƀaơ, gâp văch gay ăn may gĭt rbăng nau mra tât ma phung ƀon lan may tâm nar nglĕ dŭt, yorlah aơ jêng nau tâm saơ di ma lĕ nar dăch tât.”

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Yôel 3:11

Hơi lĕ rngôch bri dak gŭ jŭm, văch gơnh hom jêh ri tâm rgum ta nây! “Ơ Brah Yêhôva, dăn njuăl lĕ phung tahan ktang May trŭnh ta nây!”

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Nau Vay Nkah Tay 31:29

Yorlah gâp gĭt pô aơ lah jêh gâp khĭt, n'hêl nanê̆ khân may mra ƀư nau tih mhĭk, mra teng bơh trong gâp ntĭnh jêh ma khân may. Tâm rnôk kăndơ̆, ăn nau mhĭk mra tât ma khân may, yorlah khân may mra ƀư nau mhĭk tanăp măt Brah Yêhôva, lŏk nsônh nau ji nuih Păng ma nau kan ti khân may ƀư.”

I Timôthê 4:1

Brah Huêng Ueh mbơh rah vah jêh pô aơ tâm rnôk nglĕ dŭt mra geh ƀaƀă dun chalơi nau chroh, nchuăt tĭng phung brah ndơm mƀruh jêh ri nau nti tă bơh phung brah mhĭk,

II Timôthê 3:1

Ăn may gĭt năl tâm lĕ nar nglĕ dŭt, mra geh âk tâm rnôk jêr ngăn.

Nau Tâm Mpơl 20:9

Khân păng hăn bra pru pra lam neh ntu, nchueng jŭm ntŭk phung kloh ueh gŭ jêh ri ƀon bu rŏng ngăn ngên. Ƀiălah ŭnh tă bơh trôk jŭr jêh ri su rai khân păng.