Êsêkiêl 38:14 - Nau Brah Ndu Ngơi 2023

¹⁴ Yor ri, hơi kon bunuyh, mbơh lor hom jêh ri lah ma Y-Gôk pô aơ Kôranh Brah Yêhôva lah: ‘Tâm nar nây, may mâu gĭt Israel jêng phung ƀon lan Gâp dôl gŭ đăp mpăn hĕ?

Êsêkiêl 38:14 ပူးပေါင်းရင်းမြစ်များ

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Êsêkiêl 37:28

Rnôk nây, lĕ bri dak mra gĭt Gâp, Brah Yêhôva, hŏ ƀư kloh ueh ma phung Israel yorlah ngih brah kloh ueh Gâp mra gŭ ta nklang khân păng ƀaƀơ n'ho ro.’”

Êsêkiêl 38:11

May mra lah: ‘Gâp mra hăn tât lơh bri dak geh ƀon mâu geh mpêr ôh, gâp mra hăn tât ndrel phung ƀon lan gŭ mpăn, đăp rmên, nây jêng lĕ rngôch phung gŭ tâm ntŭk mâu geh mpêr ôh, mâu geh ôh rnăng mpông jêh ri mâu geh mpông.

Êsêkiêl 38:2

“Hơi kon bunuyh, rle hom muh măt may mpeh ma Y-Gôk tâm bri Magôk jêng hađăch ma phung Rôs, phung Mêsek jêh ri phung Tubal mbơh lor tâm rdâng đah păng.

Êsêkiêl 38:8

Âk nar pakơi, may mra sŏk dơn nau bu kuăl hăn tâm lơh. Tâm lĕ năm nglĕ dŭt, may mra hăn tâm lơh tâm du n'gor bu hŏ sâm rklaih jêh tă bơh đao, jêh ri phung ƀon lan păng tâm rgum âk mpôl băl bunuyh ma n'gor yôk Israel, jêng ntŭk rngot njăp lĕ roh rai bơh jŏ jêh. Bu hŏ njŭn khân păng sĭt tă bơh phung mpôl băl bunuyh jêh ri lĕ rngôch gŭ rêh đăp mpăn da dê.

Yôel 3:1

“Yor aơ, tâm lĕ nar nây, jêh ri jêng rnôk Gâp mra njŭn phung bu nă bơh Yuđa jêh ri Yêrusalem plơ̆ sĭt,

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.