Êsêkiêl 38:11 - Nau Brah Ndu Ngơi 2023

¹¹ May mra lah: ‘Gâp mra hăn tât lơh bri dak geh ƀon mâu geh mpêr ôh, gâp mra hăn tât ndrel phung ƀon lan gŭ mpăn, đăp rmên, nây jêng lĕ rngôch phung gŭ tâm ntŭk mâu geh mpêr ôh, mâu geh ôh rnăng mpông jêh ri mâu geh mpông.

Êsêkiêl 38:11 ပူးပေါင်းရင်းမြစ်များ

Nau Mprơ Ơm 10:9

Păng gŭ krap tâm ntŭk ndâp nâm bu yau mŭr tâm trôm, Păng gŭ krap gay ma nhŭp phung rêh ni; Păng têk bunuyh o ach lăp tâm nhuăl gay nhŭp khân păng.

Nau Ngluh Êjipt 15:9

Phung rlăng lah: ‘Gâp hăn tĭng, gâp mra ban; Gâp mra tâm pă ndơ pit sŏk. Nau gâp kơnh mra dơi mpay. Gâp tŏk đao; ti gâp mra ƀư rai khân păng.’

Êsêkiêl 30:9

Tâm nar nây, lĕ rngôch phung mbơh Gâp mprơh hăn ma kumpăn mra ƀư ăn ma phung Êthiôpi dôl geh nau đăp mpăn mra klach ngăn. Phung ƀon lan mra rngot tâm nar geh nau mhĭk tât Êjipt, yorlah aơ, nar nây tât ngăn!

Êsêkiêl 34:27

Tơm si nklang bri mra geh play âk jêh ri neh mra chăt hon jêng ndơ. Khân păng mra gŭ mpăn tâm bri khân păng jêh ri khân păng mra gĭt Gâp jêng Brah Yêhôva tơlah Gâp hŏ nkê̆ch pă jêh lĕ mâng mbăk khân păng, jêh ri hŏ rklaih khân păng tă bơh ti phung nhŭp khân păng ƀư jêng dĭk.

Êsêkiêl 38:14

Yor ri, hơi kon bunuyh, mbơh lor hom jêh ri lah ma Y-Gôk pô aơ Kôranh Brah Yêhôva lah: ‘Tâm nar nây, may mâu gĭt Israel jêng phung ƀon lan Gâp dôl gŭ đăp mpăn hĕ?

Êsêkiêl 38:8

Âk nar pakơi, may mra sŏk dơn nau bu kuăl hăn tâm lơh. Tâm lĕ năm nglĕ dŭt, may mra hăn tâm lơh tâm du n'gor bu hŏ sâm rklaih jêh tă bơh đao, jêh ri phung ƀon lan păng tâm rgum âk mpôl băl bunuyh ma n'gor yôk Israel, jêng ntŭk rngot njăp lĕ roh rai bơh jŏ jêh. Bu hŏ njŭn khân păng sĭt tă bơh phung mpôl băl bunuyh jêh ri lĕ rngôch gŭ rêh đăp mpăn da dê.

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Samƀŭt Pôl Njuăl Ăn Ma Phung Nsing Ta Ƀon Rôm 3:15

“Khân păng ngăch jâng gay ma ƀư nkhŭt mham,

Nau Vay Nkah Tay 12:10

Ƀiălah tơlah khân may rgăn jêh dak krong Yurdan jêh ri gŭ tâm n'gor Yêhôva Brah Ndu ăn khân may jêng drăp ndơn, Păng mra ăn ma khân may nau rlu, rklaih bơh nau phung rlăng nchueng, jêh ri ăn ma khân may dơi rêh tâm nau đăp mpăn.

Phung Kôranh Phat Dôih 18:27

Jêh sŏk lĕ rup Y-Mika hŏ ƀư jêh ri nhŭp kôranh ƀư brah păng, jêh ri lăp ndal tâm ƀon toyh Lais, jêng du phung ƀon lan gŭ păn thơ, đăp mpăn, mâu geh njrăng, jêh ri sŏk đao nkhĭt phung ƀon lan nây, jêh nây su ƀon toyh khân păng ma ŭnh.

Phung Kôranh Phat Dôih 18:7

Pônây, prăm nuyh bu klâu nây dâk hăn tât ta ƀon toyh Lais, saơ phung ƀon lan gŭ ta nây hăn tĭng nâm nau vay phung Sidôn, gŭ rêh đăp mpăn, mâu rŭng răng ôh jêh ri mâu geh njrăng. Mâu geh nơm nduyh ma kôranh chiă uănh tâm ƀon toyh nây. Khân păng gŭ ngai đah phung Sidôn, jêh ri mâu geh tâm rnglăp đah bu ôh.