Êsêkiêl 37:9 - Nau Brah Ndu Ngơi 2023

⁹ Rnôk nây Păng lah ma gâp: “Hơi kon bu nuyh, mbơh lor hom ma sial; mbơh lor hom jêh ri lah ma sial pô aơ Kôranh Brah Yêhôva lah: Hơi nau n'hâm nsôr, văch tât bơh sial puăn njônh jêh ri nsôr ta klơ lĕ rngôch bunuyh bu nkhĭt gay khân păng dơi rêh.”

Êsêkiêl 37:9 ပူးပေါင်းရင်းမြစ်များ

Nau Mprơ Ơm 104:30

Tơlah May njuăl tât n'hâm rêh, khân păng dơi rhăk njêng; May ƀư ăn mhe muh măt neh ntu.

Nau Mprơ Ueh 4:16

Hơi sial pa lơ, khôm hom, Hơi sial pa dâng, ăn văch hom! Khôm hom ta đang gâp, Gay ƀâu n'hôl dak ƀâu kah lam ntŭk! Ndă lah nơm gâp rŏng lăp tâm đang păng, Jêh ri chiăm âk kao ƀâu play kah!

Êsêkiêl 37:14

Gâp mra dơm Huêng Brah Gâp tâm khân may jêh ri khân may mra rêh. Gâp mra njêng tay khân may tâm n'gor bri êng khân may nơm, jêh nây khân may mra gĭt Gâp jêng Brah Yêhôva; Gâp hŏ lah jêh ri Gâp lĕ ƀư jêh,” Brah Yêhôva lah pônây.

Êsêkiêl 37:4

Păng lah tay ma gâp, “Mbơh lor hom ma nting nây jêh ri lah ma khân păng: ‘Hơi nting kro, iăt hom nau Brah Yêhôva.’

Êsêkiêl 37:5

Kôranh Brah Yêhôva lah ma lĕ nting nây pô aơ: ‘Aơ, Gâp mra ăn n'hâm nsôr lăp tâm khân may jêh ri khân may mra rêh.

Êsêkiêl 37:8

Gâp uănh saơ rse suan jêh ri geh mlay puăch tâm sĭr ta klơ nting nây, geh ntâu nkŭm ƀiălah mâu geh n'hâm nsôr ôh tâm trôm.

Daniel 11:4

Ƀiălah tơlah hađăch nây hŏ nâp jêh pôri ƀon bri hađăch păng mra nchah rai jêh ri tâm pă mpeh puăn njônh sial tâm trôk, ƀiălah mâu dơi nkoch tay ma phung kon sau păng ôh, mâu lĕ di dŏng nau dơi ntơm saơm gay ma chiă uănh đŏng ôh. Ƀon bri hađăch păng mra rôk lĕ jêh ri ăn ma phung êng mâu di noi deh păng ôh.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Yôhan 3:8

Sial khôm ntŭk păng ŭch khôm, may tăng sial, ƀiălah mâu gĭt sial ntŭk tă luh jêh ri ntŭk păng hăn. Mbu nơm deh mhe tă bơh Brah Huêng Ueh kơt nây đŏng.”

Nau Tâm Mpơl 10:11

Jêh nây bu lah ma gâp: “Ăn may ngơi nau mbơh lor ma âk phung ƀon lan, âk bri dak, âk nau ngơi, jêh ri ma âk hađăch.”

Nau Tâm Mpơl 11:11

Jêh pe nar n'gul, n'hâm rêh luh tă bơh Brah Ndu lăp tâm bar hê khân păng jêh ri khân păng dâk sŏng, ƀư ăn phung bunuyh uănh saơ klach dŭt n'hâm ngăn.