Êsêkiêl 37:5 - Nau Brah Ndu Ngơi 2023

⁵ Kôranh Brah Yêhôva lah ma lĕ nting nây pô aơ: ‘Aơ, Gâp mra ăn n'hâm nsôr lăp tâm khân may jêh ri khân may mra rêh.

Êsêkiêl 37:5 ပူးပေါင်းရင်းမြစ်များ

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Êsêkiêl 37:14

Gâp mra dơm Huêng Brah Gâp tâm khân may jêh ri khân may mra rêh. Gâp mra njêng tay khân may tâm n'gor bri êng khân may nơm, jêh nây khân may mra gĭt Gâp jêng Brah Yêhôva; Gâp hŏ lah jêh ri Gâp lĕ ƀư jêh,” Brah Yêhôva lah pônây.

Yôhan 20:22

Jêh lah nau nây, Păng khôm n'hâm ma khân păng jêh ri lah: “Dơn hom Brah Huêng Ueh.

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

Nau Tâm Mpơl 11:11

Jêh pe nar n'gul, n'hâm rêh luh tă bơh Brah Ndu lăp tâm bar hê khân păng jêh ri khân păng dâk sŏng, ƀư ăn phung bunuyh uănh saơ klach dŭt n'hâm ngăn.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.