Êsêkiêl 37:4 - Nau Brah Ndu Ngơi 2023

⁴ Păng lah tay ma gâp, “Mbơh lor hom ma nting nây jêh ri lah ma khân păng: ‘Hơi nting kro, iăt hom nau Brah Yêhôva.’

Êsêkiêl 37:4 ပူးပေါင်းရင်းမြစ်များ

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

Ndrom Samƀŭt bơh Yôp 10:11

May hŏ nsoh ăn gâp ma ntâu jêh ri mlay puăch, Tanh gâp đah nting jêh ri rse suan.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 42:18

“Ơ phung tê̆k, gŭ iăt hom; Ơ phung chieh măt, uănh hom jêh ri saơ!

Yêrêmi 22:29

Ơ neh, neh, neh! Iăt hom nau Brah Yêhôva.

Êsêkiêl 36:1

Hơi kon bunuyh, mbơh lor hom ma phung yôk Israel pô aơ: “Hơi phung yôk Israel, iăt hom nau Brah Yêhôva!

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Êsêkiêl 37:12

Pôri, mbơh lor hom jêh ri lah ma khân păng pô aơ Kôranh Brah Yêhôva lah: “Hơi phung ƀon lan Gâp, aơ, Gâp mra pơk môch khân may, ƀư ăn khân may luh tă bơh môch, jêh ri Gâp mra njŭn khân may sĭt tâm bri Israel.

Êsêkiêl 37:9

Rnôk nây Păng lah ma gâp: “Hơi kon bu nuyh, mbơh lor hom ma sial; mbơh lor hom jêh ri lah ma sial pô aơ Kôranh Brah Yêhôva lah: Hơi nau n'hâm nsôr, văch tât bơh sial puăn njônh jêh ri nsôr ta klơ lĕ rngôch bunuyh bu nkhĭt gay khân păng dơi rêh.”

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.

Nau Kơp Bunuyh 20:8

“Sŏk hom mâng, jêh nây may jêh ri nâu may jêng Y-Arôn kuăl rgum phung tâm rƀŭn. Ngơi hom ma lŭ toyh tanăp măt phung tâm rƀŭn gay ma păng luh dak. May mra ƀư ăn dak luh tă bơh lŭ toyh hoch ăn phung tâm rƀŭn jêh ri mpô mpa rong khân păng nhêt.”

Mathay 21:21

Brah Yêsu plơ̆ lah: “Nanê̆, Gâp mbơh ma khân may, tơlah khân may geh nau chroh jêh ri mâu đing ôh, ri mơ mâu knŏng khân may dơi ƀư nau Gâp hŏ ƀư jêh ma tơm rvi ôh, ƀiălah nđâp ma khân may dơi lah ma yôk aơ: ‘Pư hom bơh ntŭk aơ jêh ri nsăt tâm dak mƀŭt’ nau nây mra tât geh ro.

Yôhan 2:5

Mê̆ Păng lah ma phung bunuyh pah kan pô aơ: “Moh nau Păng đă khân may ƀư hom tâm ban kơt nây.”

Yôhan 5:25

“Nanê̆ ngăn, Gâp lah ma khân may, mông dăch tât, jêh ri hŏ tât jêh, nôk phung khĭt mra tăng bâr Kon Brah Ndu, jêh ri phung bunuyh tăng bâr Păng mra rêh.

Nau Tâm Mpơl 10:11

Jêh nây bu lah ma gâp: “Ăn may ngơi nau mbơh lor ma âk phung ƀon lan, âk bri dak, âk nau ngơi, jêh ri ma âk hađăch.”