Êsêkiêl 37:3 - Nau Brah Ndu Ngơi 2023

³ Păng lah ma gâp pô aơ: “Hơi kon bunuyh, dơi lĕ nting aơ dâk rêh tay?” Gâp plơ̆ lah: “Ơ Kôranh Brah Yêhôva, May nơm yơh gĭt nau nây!”

Êsêkiêl 37:3 ပူးပေါင်းရင်းမြစ်များ

Nau Mprơ Ơm 88:11

Nuih n'hâm ueh May dơi nkoch mbơh tâm môch lĕ? Mâu lah nau răp jăp May dơi mbơh nkoch tâm ntu jru lĕ?

Êsêkiêl 26:19

Ngăn yơh, Kôranh Brah Yêhôva lah: “Tơlah Gâp mra ƀư may jêng rngol nâm bu ƀon bu mâu geh bunuyh gŭ, tơlah Gâp mra ƀư rbuh dak tă bơh brŏng jru nkŭm ta klơ may, jêh ri phung n'hor dak toyh brôi lơi may;

Êsêkiêl 37:2

Păng leo gâp hăn nsong văr jŭm ta nklang nting nây. Ri, geh âk ngăn nting tâm rlŭng nây, jêh ri lĕ nting nây kro ngăn.

Yôhan 5:21

Tâm ban ma Mbơ̆ ƀư ăn phung khĭt dâk rêh tay pônây lĕ Kon ăn đŏng nau rêh ma mbu nơm Kon ŭch kơt nây lĕ.

Kôranh Oh Mon 26:8

Mâm ƀư khân may gŭ ta nây mâu chroh ma Brah Ndu ƀư ăn bunuyh khĭt dâk rêh tay?

Samƀŭt Pôl Njuăl Ăn Ma Phung Nsing Ta Ƀon Rôm 4:17

nâm bu geh nau hŏ nchih jêh: “Gâp hŏ ndâk jêh may jêng mbơ̆ ma âk phung ndŭl mpôl.” Tanăp Brah Ndu, Nơm păng chroh jêh, jêng Nơm ăn nau rêh ma phung khĭt, jêh ri kuăl lĕ ndơ mâu geh tâm ban ma hŏ geh jêh.

I Kôrintô 15:35

Ƀiălah geh bunuyh mra lah: “Mâm nau phung khĭt dơi dâk rêh tay? Moh ntil săk jăn khân păng plơ̆ tay?”

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

ហេឞ្រើ 11:19

Păng mĭn ma Brah Ndu geh nau dơi ƀư ăn bunuyh hŏ khĭt jêh dơi dâk rêh tay, ngơi tĭng tâm nau hôr, păng dơn tay kon păng nơm tă bơh nau khĭt.

I Samuel 2:6

Brah Yêhôva ƀư nkhĭt, ăn dâk rêh đŏng; Păng djôt leo bu trŭnh tâm ƀon phung khĭt, jêh nây djôt leo hao tă bơh ta nây.