Êsêkiêl 37:1 - Nau Brah Ndu Ngơi 2023

¹ Ti Brah Yêhôva dơm ta gâp; Păng leo gâp luh yor ma Huêng Brah Yêhôva jêh ri dơm gâp ta nklang rlŭng; rlŭng nây bêng ma nting.

Êsêkiêl 37:1 ပူးပေါင်းရင်းမြစ်များ

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

II Phung Hađăch 2:16

jêh ri lah: “Aơ, tâm phung oh mon may geh prăm jât bunuyh dăng ktang. Dăn ăn khân păng hăn joi kôranh may. Klăp lah Huêng Brah Yêhôva djôt leo jêh păng hao jêh nây dơm păng ta klơ yôk mâu lah tâm rlŭng?” Y-Êlisê plơ̆ lah: “Lơi đă khân păng hăn.”

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Yêrêmi 7:2

“Dâk hom ta mpông ngih Brah Yêhôva jêh ri mbơh nau ngơi aơ: ‘Lĕ rngôch phung khân may jêng phung Yuđa hăn găn lĕ mpông aơ gay lăp yơk mbah Brah Yêhôva, iăt hom nau Brah Yêhôva.

Yêrêmi 7:32

Brah Yêhôva lah: “Yorlah pônây tâm lĕ nar tât, bu mâu mra rnha Tôphet mâu lah rlŭng Ben-Hinôm đŏng ôh, ntơ jêng ‘Rlŭng sreh nkhĭt’, yorlah bu mra tâp ta Tôphet, kŏ tât mâu hôm geh ntŭk tâp đŏng ôh.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Êsêkiêl 1:3

geh nau Brah Yêhôva lah êng ma kôranh ƀư brah Y-Êsêkiêl, kon bu klâu Y-Busi, tâm n'gor Kaldê, ta kơh krong Kêbar. Ta ntŭk nây, ti Brah Yêhôva dơm ta păng.

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 3:22

Ta nây, ti Brah Yêhôva dơm ta gâp jêh ri Păng lah ma gâp pô aơ: “Gơnh ndal hom hăn ma ntŭk neh lâng, ta nây Gâp mra lah ma may.”

Êsêkiêl 33:22

Rnôk nây, kêng mhaơ êlor ma bunuyh klaih nây văch tât, ti Brah Yêhôva dra ta gâp jêh ri Păng hŏ pơk mbung gâp êlor bunuyh klaih nây văch tât kêng ôi. Pônây bâr mbung gâp dơi hă gâp mâu hôm mlo đŏng ôh.

Êsêkiêl 37:2

Păng leo gâp hăn nsong văr jŭm ta nklang nting nây. Ri, geh âk ngăn nting tâm rlŭng nây, jêh ri lĕ nting nây kro ngăn.

Êsêkiêl 40:1

Năm rơh bar jât ma prăm rnôk he jêng bu nă, ta bôk năm, năng jât khay nây, jêng năm jât ma puăn jêh bu sŏk ƀon toyh Yêrusalem, ăt tâm nar nây lĕ, ti Brah Yêhôva dơm ta klơ gâp jêh ri Păng leo gâp lăp tâm ƀon nây.

Êsêkiêl 43:5

Huêng Brah chông gâp leo klơ jêh ri njŭn gâp lăp nkual tâm trôm, jêh ri nau chrêk ma lơp Brah Yêhôva bêng ngih brah.

Êsêkiêl 8:1

Năm rơh prao, ta năng prăm khay prao, dôl gâp gŭ tâm ngih gâp ndrel ma phung bu ranh Yuđa gŭ panăp, ti Yêhôva Brah Ndu pah ta gâp.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Luka 4:1

Kôranh Brah Yêsu bêng ma Brah Huêng Ueh; Păng plơ̆ sĭt tă bơh dak krong Yurdan jêh ri Brah Huêng Ueh njŭn leo Păng tâm bri rdah.

Kôranh Oh Mon 8:39

Dôk khân păng hao du luh tă bơh dak, Brah Huêng Ueh Kôranh Brah sŏk Y-Philip hăn; kôranh char mâu gĭt saơ păng ôh, jêh ri păng hăn tay ma nau maak.

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng