Êsêkiêl 36:2 - Nau Brah Ndu Ngơi 2023

² Kôranh Brah Yêhôva lah: Yorlah tahan nơm rlăng lah jêh geh ma may pô aơ: ‘Ha ha! Đơ ntŭk gôl yôk prêh kăl e hŏ jêng drăp ndơn he jêh!’”

Êsêkiêl 36:2 ပူးပေါင်းရင်းမြစ်များ

Nau Vay Nkah Tay 32:13

Păng ƀư ăn khân păng hao ăp ntŭk prêh tâm n'gor, Sa jêh kao play bơh tâm mir, Păng ăn ma khân păng djrêp dak sŭt tă bơh lŭ toyh, Jêh ri dak ngi brul luh bơh lŭ dăng;

Êsêkiêl 35:10

Yorlah may lah jêh pô aơ: “Bar ndŭl mpôl nây jêh ri bar bri dak nây mra jêng ndơ gâp jêh ri hên mra sŏk pha khân păng” nđâp lah Brah Yêhôva dôl gŭ ta nây.’

Êsêkiêl 25:3

May lah hom ma phung kon sau Ammôn: ‘Iăt hom nau Brah Yêhôva. Kôranh Brah Yêhôva lah pô aơ yorlah may lah: “Ha ha!” ma ntŭk kloh ueh Gâp tơlah păng ƀư ƀơ̆, ma bri neh Israel tơlah bu ƀư păng jêng rngol jêh ri ngih Yuđa tơlah bu nhŭp njŭn păng jêng bu nă;

Habakuk 3:19

Kôranh Brah Yêhôva jêng nau dăng gâp, Păng ƀư ma jâng gâp nâm bu jâng jun, Kơl gâp chuat hăn ta klơ yôk prêh. (Nchih ma bunuyh gai phung mprơ jêh ri phung kreh gong rêng)

Êsêkiêl 26:2

“Hơi kon bunuyh, ƀon Tyre hŏ ngơi jêh ma ƀon Yêrusalem pô aơ: ‘Ha ha! Ƀon ƀư mpông mpêr ma phung ƀon lan lĕ rlâm rai jêh! Tât jêh ma gâp, gâp mra dơi geh nau chăt jêng, bi păng aƀaơ plăch jêng rngol jêh.’

Yêrêmi 49:1

Brah Yêhôva lah ma phung kon Ammôn kơt aơ: “Di lĕ phung Israel mâu geh kon bu klâu, Mâu hôm geh bunuyh ndơn drăp hĕ? Pônây, mâm ƀư brah Malkôm pit in phung Gat ƀư drăp ndơn, Phung ƀon lan păng gŭ tâm ƀon toyh Gat?”

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Nau Mprơ Ơm 78:69

Păng ndâk ngih brah kloh ueh tâm ban ma ngih ta klơ trôk, Tâm ban ma neh ntu Păng hŏ ƀư nâp n'ho ro.

Êsêkiêl 36:5

Yor ri, aơ jêng nau Kôranh Brah Yêhôva lah: ‘N'hêl nanê̆ ngăn tâm nau ntôn duh nuih, Gâp mbơh nau tâm rdâng ma phung ƀon lan hôm e klen bơh lĕ bri dak jêh ri ma lĕ rngôch phung Êđôm, jêng phung bêng ma nuih n'hâm răm maak jêh ri mưch rmot ngăn, mĭn sŏk bri Gâp ƀư drăp ndơn ăn ma khân păng nơm gay ma khân păng sŏk pit in ndrêch gơ̆.’

Êsêkiêl 35:12

May mra gĭt Gâp, Brah Yêhôva, hŏ tăng lĕ nau suai rak may ngơi jêh tâm rdâng đah lĕ yôk Israel, pô aơ: “Lĕ yôk nây hŏ jêng rngol jêh ri jao jêh ăn ma he sa rvăn.”

Êsêkiêl 36:1

Hơi kon bunuyh, mbơh lor hom ma phung yôk Israel pô aơ: “Hơi phung yôk Israel, iăt hom nau Brah Yêhôva!

Apdia 1:13

May mâu dơi lăp ôh tâm mpông ƀon phung ƀon lan Gâp Tâm nar khân păng geh nau tât; Uănh păng mâp rêh ni lơi dĭng rhơn, Tâm nar păng dơn jâk jêr; Lơi ta ntŭng ôh drăp ndơ păng tâm nar păng geh nau tât.

Nau Mprơ Ơm 83:13

Ơ Brah Ndu gâp! Ƀư ma khân păng jêng nâm bu phŭt chuănh đô̆, Nâm bu njŏk rhe tanăp vănh blông.