Êsêkiêl 33:3 - Nau Brah Ndu Ngơi 2023

³ bunuyh nây saơ đao tât tâm bri dak păng uh nŭng gay mbơh ma phung ƀon lan.

Êsêkiêl 33:3 ပူးပေါင်းရင်းမြစ်များ

Nêhêmi 4:18

Ăp nơm ndâk nkra, geh cheng đao gưm da dê ta pŭng khân păng, dôl khân păng ƀư kan. Bi ma nơm uh nŭng gŭ êp ta meng gâp.

Nêhêmi 4:20

Pôri moh ntŭk khân păng tăng bâr nŭng, khân may tâm rƀŭn hom ndrel ma hên ta ntŭk nây. Brah Ndu he mra tâm lơh ăn ma he.”

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Êsêkiêl 3:19

Ƀiălah, tơlah may lah lor ma nơm mhĭk ƀiălah păng mâu chalơi nau ƀư mhĭk ndrel trong nau djơh mhĭk păng, păng mra khĭt tâm nau tih păng, ƀiălah may mra dơi tâm rklaih huêng may nơm.

Ndrom Samƀŭt bơh Ôsê 8:1

Ăn hom nŭng ta trôm mbung may gay uh! Phung rlăng nâm bu du mlâm klang jŭr pah ngih Brah Yêhôva; Yorlah khân păng hŏ tâm rdâng đah nau tâm rnglăp Gâp, Ƀư tih đah nau vay Gâp.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

I Kôrintô 14:8

Tơlah bâr nŭng mâu rah vah ôh, mbu nơm mra ndrăp tâm lơh?