Êsêkiêl 32:7 - Nau Brah Ndu Ngơi 2023

⁷ Tơlah Gâp buh nhhât may Gâp mra nkŭm lĕ ndâr trôk, Jêh ri ăn phung mănh klơ trôk jêng ngo klĕng; Nkŭm nar ma ndâr tŭk, Jêh ri khay mâu mra hôm nchrat ang đŏng ôh.

Êsêkiêl 32:7 ပူးပေါင်းရင်းမြစ်များ

Ndrom Samƀŭt bơh Yôp 9:7

Păng ntrŭnh nau ntăm ăn nar lơi luh ôh, Jêh ri nkŭm lĕ nau ang lĕ mănh mbing.

Nau Hôr 13:9

Nau ang phung sŏng srăng troh nau maak, Ƀiălah ŭnh kađen bơh phung ƀai gơnh geh nau nhhât.

Nơm Nti 12:2

Êlor nar jêh ri nau ang, Khay ndrel lĕ mănh mbing jêng ngo klĕng, Jêh ri tŭk văch tât tay pakơi dak mih.

Êsai 13:10

Rnôk nây, lĕ mănh mbing tâm trôk jêh ri lĕ rngôch mănh ang tâm trôk Mâu mra nchrat ang ôh; Nar mhe pơ luh jêng ngo ro, Jêh ri khay mâu hôm nchrat ang ôh.

Êsai 34:4

Lĕ rngôch phung mănh mbing tâm trôk mra rai lơi, Lĕ ndâr trôk mra klôn tay tâm ban ma klôt ndrom samƀŭt; Lĕ rngôch phung mănh mbing mra rai lĕ Tâm ban ma n'ha krăk ƀâu kro tŭp rŭng, Tâm ban ma n'ha rvi kro tŭp rŭng bơh tơm rvi.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 31:15

Kôranh Brah Yêhôva lah: ‘Tâm nar păng jŭr tâm ƀon phung khĭt, Gâp mra ăn bu nhĭm vơl ma păng; Gâp brôi lơi ntu jru, bât lơi dak krong, king âk n'hong dak toyh. Gâp ƀư ăn bri Liban nhĭm vơl yor păng jêh ri lĕ rngôch tơm si tâm bri lĕ kro yor păng.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Yôel 2:10

Tanăp khân păng, neh ntu n'găr, Lĕ ndâr trôk n'găr mpât, Nar, khay jêng ngo klĕng, Lĕ mănh mbing mâu hôm nchrat ôh.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:15

Nar jêh ri khay jêng ngo klĕng, Lĕ mănh mbing mâu hôm nchrang ôh.

Amôt 8:9

Kôranh Brah Yêhôva lah: “Tâm nar nây, Gâp mra ƀư ăn nar nhâp tŭp nar nklang bôk Jêh ri ƀư ăn ngo neh ntu dôl nôk nar.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Markôs 13:24

Tâm lĕ nar nây, rnôk pakơi nau rêh ni, Nar mra jêng ngo, Khay mâu mra nchrat ang ôh,

Luka 21:25

Mra geh nau mbên tâm nar, tâm khay, jêh ri tâm phung mănh, tâm neh ntu mra geh nau uh ah tâm phung mpôl băl bunuyh. Khân păng mâu gĭt, mâm ƀư tăng nteh dak mƀŭt jêh ri dak sial njach.

Nau Tâm Mpơl 8:12

Tông mpăr rơh puăn uh nŭng, du kô̆ tâm pe nar, du kô̆ tâm pe khay jêh ri du kô̆ tâm pe phung mănh mbing tâm tom ndrăng nơm kŏ tât du kô̆ tâm pe phung nĕ jêng ngo, ƀư ăn du kô̆ tâm pe nôk nar mâu geh nau ang, jêh ri nôk măng tâm ban lĕ.