Êsêkiêl 32:30 - Nau Brah Ndu Ngơi 2023

³⁰ Ta nây tâm ban lĕ geh lĕ rngôch phung kôranh gŭ mpeh pa lơ, jêh ri lĕ rngôch phung ƀon lan Sidôn hăn trŭnh da dê ndrel phung bu nkhĭt, nđâp lah khân păng hŏ dŏng janh ktang ăn bu krit toyh. Khân păng lâng bê̆ch nâm bu phung mâu hŏ koh ntâu ndrel phung bu nkhĭt ma đao; khân păng bêk prêng ndrel ma phung trŭnh tâm trôm ntu jru.

Êsêkiêl 32:30 ပူးပေါင်းရင်းမြစ်များ

Yêrêmi 1:15

Pôri, Gâp mra kuăl rgum lĕ rngôch băl mpôl bunuyh lĕ bri dak mpeh pa lơ — Brah Yêhôva lah pônây — khân păng mra tât jêh ri lĕ rngôch n'gân da dê sưng hađăch păng ta ntŭk trong lăp lĕ mpông ƀon Yêrusalem, nchueng jŭm pôih nâp păng tâm ban lĕ rngôch ƀon Yuđa.

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Yêrêmi 25:26

lĕ rngôch hađăch bri mpeh pa lơ, gŭ ngai mâu lah gŭ dăch, lĕ hađăch aơ tât ma hađăch ri; lĕ rngôch ƀon bri hađăch ta klơ neh ntu. Hađăch Sêsăk mra nhêt nglĕ dŭt.

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.

Êsêkiêl 28:10

May mra khĭt yor ma ti phung bu năch Nâm bu phung mâu hŏ ŭch bu koh ntâu. Kôranh Brah Yêhôva lah, Gâp nơm yơh hŏ lah nâm bu pônây.’”

Êsêkiêl 28:21

“Hơi kon bunuyh, rle hom muh măt may mpeh ma ƀon Sidôn jêh ri mbơh lor nau tâm rdâng đah păng.

Êsêkiêl 28:23

Gâp mra njuăl nau ji tưp tât tâm ƀon, Jêh ri nau pling mham tâm lĕ trong sâng păng. Đơ phung rmanh mra cha lôt ta nklang păng, Yor ma đao tă bơh puăn mpeh mra rduh leo păng. Nôk nây, khân păng mra gĭt yơh Gâp jêng Brah Yêhôva.

Êsêkiêl 38:15

Rnôk nây, may mra văch tât tă bơh ntŭk may nơm gŭ jêng n'gor ngai mpeh pa lơ, may jêh ri âk phung ƀon lan gŭ ndrel may, lĕ rngôch ncho seh da dê, du mpôl bunuyh âk ngăn rgum jêng du phung tahan janh ktang.

Êsêkiêl 38:6

Gômer jêh ri lĕ rngôch phung tahan păng; Bet-Tôgarma tă bơh n'har bri pa lơ ndrel ma lĕ rngôch phung tahan păng, nây jêng âk phung ƀon lan gŭ ndrel may.

Êsêkiêl 39:2

Gâp mra plăch rlơ̆ may. Gâp mra leo may hăn du luh jêh ri ăn may tât tă bơh n'gor ngai mpeh pa lơ, jêh ri njŭn may hao rlet klơ lĕ yôk Israel.