Êsêkiêl 32:23 - Nau Brah Ndu Ngơi 2023

²³ Môch păng ntŭk jru tâm trôm ntu jêh ri phung ƀon lan păng gŭ dâk văr jŭm môch păng. Lĕ rngôch bu nkhĭt da dê; khân păng jêng phung srih nau krit toyh tâm bri dak phung hôm rêh ƀiălah aƀaơ ri hŏ chôt khĭt yor ma đao.

Êsêkiêl 32:23 ပူးပေါင်းရင်းမြစ်များ

Ndrom Samƀŭt bơh Yôp 28:13

Mâu geh ôh bunuyh gĭt lĕ rnoh khlay bơh nau blau mĭn; Păng mâu geh ta klơ neh phung rêh.

Nau Mprơ Ơm 116:9

Gâp mra hăn tanăp măt Brah Yêhôva Ta neh phung rêh.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 27:13

Gâp gĭt nanê̆ mra saơ nau ueh Brah Yêhôva Tâm neh phung rêh.

Êsai 14:17

Ƀư ma neh ntu plơ̆ jêng bri rdah, Rlă nkhŭt lĕ ƀon Jêh ri mâu pơk mpông ndrung ma phung bu krŭng ta ndrung ƀơh?”

Êsai 38:11

Gâp hŏ geh lah: “Gâp mâu hôm saơ Brah Yêhôva ôh, Jêng Brah Yêhôva gŭ ta neh phung rêh. Gâp mâu hôm saơ kon bunuyh ôh, Jêng phung bunuyh gŭ rêh ta neh ntu.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Êsêkiêl 26:17

Khân păng mra mprơ ma may nau mprơ rngot ma may pô aơ: ‘Mâm dĭng bu ƀư rai may, roh tă bơh dak mƀŭt? Hơi ƀon toyh geh nau lư n'găr, Jêh ri nâp ngăn gŭ ta nklang dak mƀŭt Jêng ntŭk may hăn gŭ tâm dak mƀŭt. May ndrel ma phung gŭ tâm may Ƀư ăn ma lĕ rngôch bunuyh klach krit ngăn.

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.

Êsêkiêl 32:32

Nđâp tơlah Gâp ăn Pharaôn ƀư nau klach krit bu tâm bri phung hôm rêh, ƀiălah păng jêh ri phung ƀon lan păng mra bê̆ch ta nklang phung mâu hŏ koh ntâu jêh ri phung bu nkhĭt ma đao,” Kôranh Brah Yêhôva lah pônây.

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”