Êsêkiêl 32:2 - Nau Brah Ndu Ngơi 2023

² “Hơi kon bunuyh, ƀư hom du nau mprơ rngot ma Pharaôn, hađăch Êjipt, pô aơ: ‘May tâm ban ma du mlâm yau mŭr ta nklang lĕ ntil mpôl bunuyh; Mâu êng ôh đah mpa djơh tâm dak mƀŭt, Mpât rbŭh ta nklang dak n'hor. May sŏk jâng rchŭ dak ăn rkhăl, Jêh ri ƀư lĕ dak krong bêng ma dak bŏk.’

Êsêkiêl 32:2 ပူးပေါင်းရင်းမြစ်များ

Nau Ntơm 49:9

Y-Yuđa! May jêng du huê kon yau mŭr; Hơi nâu! Hăn nchron geh jêh ăn may hăn sĭt. Păng chon mon, gŭ mơch nâm bu yau mŭr nkuăng, Jêh ri tâm ban yau mŭr me. Mbu nănh lôr rkhŭk păng?

Ndrom Samƀŭt bơh Yôp 41:23

Păng chalơi pakơi mpŭnh rêp ƀlêp; Ăn brŏng jru uănh nâm bu sŏk ndra.

Ndrom Samƀŭt bơh Yôp 7:12

Gâp mâu di ôh jêng dak mƀŭt mâu lah mpa djơh tâm dak mƀŭt, Kŏ tât May dơm bunuyh gak njrăng?

Nau Hôr 25:26

Bunuyh sŏng srăng prah tanăp măt bunuyh djơh mhĭk Nâm bu du n'hor dak ƀư rkhăl, du tu dak ƀơ̆ ƀơch.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Nau Hôr 30:30

Yau mŭr dăng lơn tâm lĕ rngôch mpô mpa, Mâu rŭch plơ̆ ôh đah dĭng lĕ mpa êng.

Êsai 27:1

Tâm nar nây, Brah Yêhôva mra dŏng đao dăng, toyh jêh ri ktang Gay ma tâm rmal Lêviathan jêng bêh du ngăch, Tâm rmal Lêviathan jêng bêh kue kuăt; Jêh ri Păng mra nkhĭt mpa djơh gŭ tâm dak mƀŭt.

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 46:7

Mbu nơm hŏ hao jêh nâm bu dak krong Nil, Nâm bu dak krong geh rbuh ktang?

Yêrêmi 46:8

Bri Êjipt hao lip nâm bu dak krong Nil, Nâm bu dak krong geh rbuh ktang. Păng lah: ‘Gâp mra hao, nkŭm lam neh ntu; Ƀư rai ƀon toyh jêh ri bunuyh gŭ tâm ƀon.’

Yêrêmi 9:18

Đă khân păng gơnh hom nau klâng rvê, Gay ma hên tŭp dak măt, Rsâng măt hên bêng dak măt!

Êsêkiêl 26:17

Khân păng mra mprơ ma may nau mprơ rngot ma may pô aơ: ‘Mâm dĭng bu ƀư rai may, roh tă bơh dak mƀŭt? Hơi ƀon toyh geh nau lư n'găr, Jêh ri nâp ngăn gŭ ta nklang dak mƀŭt Jêng ntŭk may hăn gŭ tâm dak mƀŭt. May ndrel ma phung gŭ tâm may Ƀư ăn ma lĕ rngôch bunuyh klach krit ngăn.

Êsêkiêl 27:2

“Hơi kon bunuyh, ƀư hom du nau mprơ rngot ma ƀon Tyre.

Êsêkiêl 27:32

Tơlah khân păng krit rngot nhĭm nhhiăng yor may, Khân păng ƀư du nau mprơ rngot ma may pô aơ: ‘Mbu moh jêng rngot rjăp nâm bu ƀon Tyre Ta nklang dak mƀŭt?

Êsêkiêl 28:12

“Hơi kon bunuyh, ƀư hom du nau mprơ rngot ma hađăch Tyre jêh ri ngơi ma hađăch nây pô aơ: Kôranh Brah Yêhôva lah: ‘May jêng du ntil nau rup, Ma nau blau mĭn jêh ri nau ueh rah vah ngăn.

Êsêkiêl 29:15

Bri dak Êjipt mra jêng du rplay bri huơi lơn tâm lĕ rngôch bri dak, jêh ri mâu mra dơi n'hao păng nơm ta klơ phung bri dak êng đŏng ôh. Gâp mra ăn khân păng huơi gay ma khân păng mâu hôm dơi chiă uănh lĕ bri dak đŏng ôh.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 32:16

Aơ jêng nau mprơ rngot khân păng mra nhĭm vơl. Phung kon bu ur lĕ bri dak mra nhĭm vơl ma nau rngot ngăn. Khân păng mra mprơ nau nây gay nhĭm ma n'gor bri Êjipt jêh ri ma lĕ rngôch phung ƀon lan gŭ tâm păng,’ Kôranh Brah Yêhôva lah pônây.”

Êsêkiêl 32:18

“Hơi kon bunuyh, nhĭm vơl hom ma ƀon lan bĭk rơ̆ bri Êjipt. Nklơ̆ lơi hom ƀon lan nây ndrel ma phung kon bu ur lĕ rngôch bri dak geh lư n'găr jŭr tâm ntŭk jru tâm dâng neh, ăn ma khân păng ndrel mrô nal ma phung hŏ jŭr jêh ma ntu jru!

Êsêkiêl 34:18

Phung khân may sa gơ̆ tâm ndrêch gơ̆ nse ueh mâu hŏ tŏng hĕ dĭng khân may sŏk jâng jot plên lơi gơ̆ hôm e? Khân may nhêt dak rsang mâu hŏ tŏng hĕ dĭng khân may sŏk jâng nchŭ lơi ăn rkhăl dak hôm e rmeh?

Êsêkiêl 38:13

Phung Sêba jêh ri phung Dêdan, phung tăch rgâl tă bơh phung Tarsis jêh ri lĕ rngôch tahan mom ndăm păng mra lah ma may pô aơ: ‘Di lĕ may văch tât gay sŏk pit drăp ndơ? Di lĕ may rgum jêh phung lĭng tahan may gay ƀư rai, sŏk lơi prăk jêh ri mah, mpô mpa rong jêh ri drăp ndơ, jêh ri sŏk pit in âk râk ndô ndơ lĕ?’

Nau Kơp Bunuyh 24:9

Khân păng bê̆ch, păn nâm bu du mlâm yau mŭr nkuăng Jêh ri nâm bu du mlâm yau mŭr me. Mbu nơm mra rbĭch khân păng? Ngăn ăn nau ueh uĭn ma mbu nơm mra ăn nau ueh uĭn ma may, Rtăp rah hom ma mbu nơm mra rak rtăp ma may.”

Mathay 7:24

“Pôri, mbu nơm tăng nau Gâp ngơi jêh ri ƀư tĭng jêng nâm bu du huê bunuyh blau mĭn, ƀư ngih păng ta klơ lŭ toyh.