Êsêkiêl 32:19 - Nau Brah Ndu Ngơi 2023

¹⁹ May ueh lơn ma bu? Pôri jŭr hom jêh ri bê̆ch ndrel ma phung mâu dơn nau koh ntâu.

Êsêkiêl 32:19 ပူးပေါင်းရင်းမြစ်များ

Êsêkiêl 31:18

Moh tơm si tâm n'gar Êđen tâm ban ma may yơk ma nau chrêk rmah? May tâm ban lĕ bu mra nklơ̆ tŭp ndrel ma lĕ tơm si Êđen rlet ma ntu jru tâm dâng neh nâm bu pônây; may mra lâng bê̆ch nklang phung mâu ŭch koh ntâu, ndrel ma phung bu hŏ nkhĭt jêh ma đao. Pharaôn jêh ri lĕ rngôch phung bunuyh âk ƀon lan păng mra ndrel mrô nal. Kôranh Brah Yêhôva lah pônây.”

Êsêkiêl 32:24

Ta nây geh phung Êlam ndrel ma lĕ rngôch phung lan âk păng gŭ văr jŭm môch păng. Lĕ rngôch lĕ bu nkhĭt da dê jêh ri chôt khĭt yor ma đao. Phung mâu hŏ dơn koh ntâu nây hŏ trŭnh tâm ntu jru tâm dâng neh, nây jêng phung srih nau nkrit toyh tâm bri dak phung hôm rêh. Khân păng geh nau bêk prêng ndrel ma phung trŭnh jêh ntŭk trôm jru.

Êsêkiêl 32:21

Tă bơh ta nklang ƀon phung khĭt, phung tahan ktang ngăn ndrel ma phung kơl păng mra ngơi ma păng pô aơ: ‘Khân păng hŏ jŭr ta nây, khân păng hŏ gŭ rklăk jêh ndrel ma phung mâu hŏ dơn nau koh ntâu, jêng phung bu nkhĭt ma đao!’

Êsêkiêl 31:2

“Hơi kon bunuyh, lah hom ma Pharaôn, hađăch Êjipt, ndrel ma âk phung ƀon lan hađăch pô aơ: ‘Nau dăng ktang ma may mbu moh đah tâm rđĭl?

Êsêkiêl 28:10

May mra khĭt yor ma ti phung bu năch Nâm bu phung mâu hŏ ŭch bu koh ntâu. Kôranh Brah Yêhôva lah, Gâp nơm yơh hŏ lah nâm bu pônây.’”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

Êsêkiêl 32:26

Ta nây geh phung Mêsek, phung Tubal jêh ri lĕ rngôch ƀon lan păng; môch phung nây gŭ văr jŭm khân păng. Lĕ rngôch jêng phung mâu hŏ dơn koh ntâu bu hŏ nkhĭt jêh yor ma đao, yorlah khân păng srih nau krit toyh tâm bri dak phung hôm rêh.