Êsêkiêl 32:10 - Nau Brah Ndu Ngơi 2023

¹⁰ Gâp mra ăn âk phung ƀon lan geh nau klach krit yor may, Jêh ri phung hađăch khân păng mra râm nsâr yor may, Tơlah Gâp yơr đao tanăp măt khân păng. Tâm nar may rlâm tŭp jêh, Lĕ rngôch bunuyh klach da dê ăp nar ăp mông Mĭn rvê ma nau rêh păng nơm.’

Êsêkiêl 32:10 ပူးပေါင်းရင်းမြစ်များ

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

Êsai 30:32

Ăp tơ̆ Brah Yêhôva yơr mâng phat dôih tâm rmal lĕ dăp nal jêh ma khân păng, geh nteh gâr jêh ri gong rêng loih; jêh ri Păng yơr ti tâm lơh đah khân păng.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Êsêkiêl 26:16

Lĕ rngôch phung kôranh tâm nkual dak mƀŭt mra trŭnh tă bơh sưng hađăch khân păng nơm da dê, doh lơi ao jâr jêh ri doh lơi ao cheh chiăk. Khân păng geh nau klach nchueng jŭm jêh ri gŭ rvel ta neh. Khân păng râm nsâr ƀaƀơ, jêh ri klach ngăn yor may.

Êsêkiêl 27:35

Lĕ rngôch phung ƀon lan gŭ tâm lĕ gôl dak mƀŭt Hih rhâl da dê yor may; Lĕ hađăch khân păng klach ngăn, Muh măt rgâl yor nau rvê.

Êsêkiêl 30:9

Tâm nar nây, lĕ rngôch phung mbơh Gâp mprơh hăn ma kumpăn mra ƀư ăn ma phung Êthiôpi dôl geh nau đăp mpăn mra klach ngăn. Phung ƀon lan mra rngot tâm nar geh nau mhĭk tât Êjipt, yorlah aơ, nar nây tât ngăn!

Sakari 11:2

Hơi tơm n'ho, nhĭm vơl hom yorlah tơm si sêdar lĕ cha lôt jêh, Lĕ tơm si ueh lĕ bu ƀư rai jêh. Hơi tơm si guyh bri Basan, nhĭm vơl hom, Yorlah bri krŏng mbâl lĕ bu kăl jêh!

Nau Vay Nkah Tay 29:24

Lĕ rngôch phung ndŭl mpôl mra ôp: ‘Mâm ƀư Brah Yêhôva hŏ ƀư pô aơ ma n'gor aơ?’ ‘Mâm dĭng geh nau ji nuih klach krit aơ?’

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”